140913大水坑晨運起步

入秋, 太陽開始偷懶遲起身, 今日6:09am先肯升起, 但我地 5:52am , 已經在等車.

幾驚起身時會狂風大雨, 又好好彩呀.

大細媽話濕地時, 小瀝源村行出來時, 蚊子較多, 見早上唔會太多人駕單車, 又唔曬, 估我唔會行出去單車路避陽光, 一於今早由富安大水坑起步.

6:20am, 抬頭望半月.

月亮仲好明亮.

路人甲又入位搶我鏡.

雖然耐無行, 我都認得晒路.

由城門河口望向八仙嶺, 望唔到嶺尖, 太多低層雲.

有雲仲好, 唔怕熱.

半夜落雨, 斷估今早無機會再落卦.

植物都沾了雨水.

好似我咁, 連裙腳都濕晒.

休息左幾日, 早起都咁夠精神.

要大踏步, 因為有人開始叫肚餓.

天空好多蜻蜒盤旋, 難到稍後又來雨 ?

大細媽話過埋呢段行人及單車併排路, 就唔駛再粗心我又衝出單車路.

又唔係熱, 我都好少行出單車路啦.

傻下, 傻下, 都行到好遠, 但都係 7:45am, 未夠鐘食早餐.

咁一於行遠點再回頭.

陽光照在身, 無早前咁炙熱.

行左都兩個鐘, 夠皮.

再晏少少, 太陽升高些, 就不宜我行.

所以, 我決定帶領三位女子, 又去補充能量