141026城門賞蝶賞千層

昨晚, 三名女子一路嘈, 唔知今日去邊好. 昨日都好長征了, 我都攰到不勘. 今日又去獅子會, 婆婆話攰, 想行城門河畔, 又無新意, 細媽想到去蝴蝶園, 但咁多蝴蝶園, 即係邊度呀 ?

原來佢話係城門水塘果個, 菠蘿壩小食亭沿畔塘徑行, 唔入泥徑, 好過行城門河畔.

起身時, 仲未瞓醒, 我都鬧話過媽咪梳毛整痛我, 但呢刻已經精神晒, 唔知D能量可以維持到幾耐.

婆婆又擔天望地, 今次又唔知望乜.

到現時, 仲未見馬騮, 但馬騮屎同牛屎周圍有, 媽咪又踩馬騮屎地雷

都話左佢啦.

細媽 : 仲以為只行石屎路, 忘記黃洛B識四圍八, 又掃到成身係黐身果, 好彩善後工作係佢大媽責任

本來細媽打算行去蝴蝶園轉個圈走人, 原來行左無耐就到, 於是要行遠些先回頭.

我仲精力足, 大踏步.

係喎, 仲有另一個蝴蝶園呀.

不如入去八下.

呢個園較細, 而且一隻蝴蝶都無見, 果實多些.

咁再去另一個位先.

跟我來, 我好熟路, 帶你地行.

呢段靚靚白千層路,  有好多次我地一家四口足印.

等我狂擺pose, 賺下 more 勞費先.

又轉另一景點, 水塘存水量少, 無水浸白千層美景.

媽咪話, 不如加返些味精.

味精下, 綠葉樹背影, 顏色好特別.

唔好成日灰暗暗.

只要肯爭取, 明天一定會更好.

就算獅子山頭只有一日光彩, 已足夠照耀山下, 名句已長留每人心中.

唔好以為我唔識, 我都識為自己爭取.

今日, 唔長征, 在廁所就回頭.

返回我地今日原目的地, 望真, 叫賞蝶園, 唔係蝴蝶園, 咁細媽, 你下次記實個地方名, 唔好搞錯.

仲想在賞蝶園草地跑陣, 但今日好似有親子活動, 細媽怕其他小朋友見我可愛四眼仔, 怕佢地追我, 都係唔久留.

沿小徑落回菠蘿壩.

將近 11 點, 我地都未食早餐, 返去飯堂, 剛剛好係午餐時段, 又可以舒服嘆下, 然後又洗白白來個午間甜睡