昨日行大運, 昨晚攰到不醒人事. 翌日活動, 當然又係 hea下.
想去玩, 我仲係睡眼惺忪樣.
昨日在荔枝窩, 都見有呢個長途賽, 真係好長程.
婆婆又做攝石人.
婆婆一行開, 等我皮笑肉不笑, 扮返個精神樣先.
又見指示標語, 媽咪上網搵, 原來係一個叫 HK168 越野長途賽, 參賽者要在 38 小時內, 完成 168公里,
[HK168 是一項極考驗耐力的168公里的野外長跑賽事。比賽路線由在八仙嶺效野公園的鶴藪開始，沿途經過多個郊野公園，包括古木樹 林、自然遠足徑、陡險山徑、寺廟、山澗及各主要山峰。 比賽路線共分為4個主要部分。第一部分圍繞東北部的香港之後就會上到大帽山並去荃錦坳完成第二部分。第三部分就會圍繞大欖郊野公 園，再次回來荃錦坳。最後一部分開始時會再次攀上大帽山，穿過城門水塘去到沙田圍的終點。整段比賽路線累積登高超過6,700米，參 加者必須於38小時內完成。「HK168」是一個獨特及附挑戰性的山野活動，必將為參加者帶來難忘經歷。]
仲長過毅行者, 怪不得, 昨日見參賽者仲好好精神, 因當時, 佢地行左上八仙嶺, 再入荔枝窩 CP2 咋, 今日大多數倦容掛面.
我都係行左 10幾公里, 得佢地 10份 1 都無, 都攰到唔想笑.
笑唔出, cool 樣都要媽咪收貨.
有細媽安撫都係難解倦容.
仲有, 無戴太陽帽, 總覺睜唔大眼.
杏眼收貨嗎 ?
唔收都無法子.
今日天陰, 無乜風, 有些厭悶.
仲有, 今日少左黐身果, 但多左馬騮周圍走.
唔止馬騮, 仲有初生之犢.
頭段, 地面仲乾爽, 但接近白千層林, 地面好濕, 出來呢片草地, 牛地雷又多, 泥濕濕, 都係影張相就走.
終於開始精神返, 笑得出.
媽咪, 記住, 我地近排都係由賞蝶園落菠蘿壩走, 唔係由自然教育徑走呀.
影返個標記, 無記性, 上網睇返我個花菲洛網誌啦.
今日晨運完, 又係坐車返飯堂搵哥哥先.
沒有留言:
張貼留言