今日到期覆診睇驗血及肝纖維化掃描報告, 診金全免.
醫生只係話報告唔錯, 肝酵素正常, 病毒數量低水平, 癌症指數係低, 甲狀腺指數無問題, 肝纖維化掃描報告, 顯示肝臟良好.
報告唔可以俾我睇, 惟有問, 得知谷丙轉氨酶(ALT/SGPT) 係 22 U/L, 肝纖維化掃描指數係 5.4 KPa, 即我上次無睇錯.
16 個星期後, 即16/3/2015 3:15pm 覆診.
早兩星期 (2/3/2015 11:30am) 先驗血.
16星期覆診, 所以有 4 盒藥, 當然又係只付 $10.
又 4 盒藥跟我, 只要食藥會保健康, 一日一粒, 又何妨.
但肝纖維化掃描指數驗出係 5.4 KPa, 好疑惑, 唔敢太信, 於是o拿o拿臨登記醫療病歷互聯試驗計劃, 年尾去許醫生度, 自己照多次, 再落實下先.
這是新款的藥嗎？不是吃Baraclude?
回覆刪除Baraclude是藥廠牌子名, 呢間藥廠所擁 Entecavir 的配方專利, 已在上年過期, 其他藥廠可以用配方生產. 政府醫院在上年已改用呢隻係葛蘭素史克 (GlaxcoSmithKline) 在中國設廠出產, 一盒 28 粒. 即以後, 病人不用自費買藥了.
刪除其實我食開Baraclude 嗰隻，唔知gsk這個好不好,始終中國製造, 個人有點擔心。
回覆刪除東瑞製葯(02348)公布，公司全資附屬公司蘇州東瑞製藥生產的慢性乙型肝炎抗病毒藥物ENTIKAV，是由葛蘭素史克在香港和澳門推廣及銷售。最近，葛蘭素史克獲授予該產品於香港市場的供應合約。該合約規定由今年下半年開始供應該產品。
我睇私家專科, 要$60一粒, 政府醫院以前都係開 Baraclude, 據知都要自費, 約$50 一粒, 有些人就豁免藥費. 但我在9 月改到廣華, 醫生開藥, 已經係GSK廠, 問左佢, 佢話政府醫院已在上年改用, 配方一樣, 佢無話有問題, 而且, 好多配方藥, 一過專利期, 其他廠都可以出呢款藥. 我私家專科醫生話過, Baraclude一過專利, 其他藥廠一出, 藥費一定下調, 唔駛怕老了, 無錢買藥.
刪除