141004輕鬆晨運

昨晚不停聽有雨聲, 大細媽都唔駛花精神諗, 今日去邊好.

細媽今早唔知醒, 我又叫遲左佢, 好彩都趕上頭車.

起身時, 地下都濕, 到小瀝源, 四周好乾爽.

今日氣溫比 1/10 低左, 雲多了, 細媽怕我似早幾日咁 , 行完過攰, 唔行三個半鐘, 唔行去划艇會打咭.

係呢, 都唔明解, 已經十月, 晏少少都仲咁熱, 我頂唔順.

輕輕鬆鬆, 去城門河行下晨運幾好啦.

婆婆都好有毅力, 肯早起身, 一齊行.

6點半起步, 行到現在已 8:15am, 陽光升高左, 溫度又高左D, 我都係停在樹蔭休息下.

打咭位, 過沙燕橋, 今早雲厚些, 我估無前兩日咁, 曬到身熱晒卦.

為免似 1/10熱傻, 細媽幫我淋些水在背, 有風吹兩吹, 涼晒.

唔落雨已經好好.

到廁所位就回頭, 僅係, 剛剛 9點.

去到沙角邨, 都 9:15am, 接近行了三個鐘, 好夠, 天氣仲未適合我行山, 仲要等多一段時間呀.