2014年9月21日

140921繞城門水塘熱身

見秋風起了, 涼涼地, 一於早些出發, 打算跟上星期日行程行.
未夠 8 點已經到, 今日無上星期咁曬, 媽咪提議繞水塘一圈, 都係半日, 於是急急在燒烤場買多支水, 唔怕中途缺呀.

雲厚又多, 真係跑都唔會氣喘.


上星期, 我在水霸跑下咋, 都熱到索晒氣, 嚇親媽咪.

行緩跑徑, 樹蔭小徑, 溫度適中.


開揚位, 太陽又被雲擋.

輕鬆步伐.

好易行左 1.5公里.

想親近水塘, 我同媽咪行多步落少少, 咁咪無樹及草擋左塘景law.

今日真係涼左, 我都係踏落水浸下腳仔咋.

行了一半緩跑徑, 本來想轉返畔塘牲行石屎車路.


但又見似無咁多樹蔭, 於是行返小徑算.

今日比上星期多了行山人士. 



婆婆, 專心行啦, 無山棯摘喇.



今日遇到一班行山姨姨, 佢地曾經在某山徑見過我, 認得我呀.

其實好多時行山, 都遇返有緣人認到我, 同我打招呼o架.

我都希望有心有力, 行多幾年, 仲希望係婆婆更有心有力.

見到小河.

我地用左兩小時, 連埋廁所及小休時間, 行完全段小徑, 婆婆都算好力氣.

佢無變面走樣.

仲早, 唔心急.

到半閒亭大草地.

有涼亭, 我又可以小休.

有草地, 無馬騮, 可以隨處怕.

細媽問落唔落白千層林, 當然要啦.






今日無牛, 無牛屎, 無勁曬, 無乜人, 好好跑.





10;30am, 都差唔多, 繼續行程.

婆婆, 唔好太 hea, 步伐要快返少少, 我地要操返 fit, 今秋冬, 我地有幾個新目標出征呀.

又到交岔位, 媽咪曾有一個念頭轉右行, 但水唔夠, 無食物咋.

呢邊路, 多馬騮出沒, 我都係等等大細媽安全些.


仲打算行去蝴蝶園, 最終又選擇行自然教育徑, 因為見好多人行上來, 相信無馬騮卦.

水溪呀.

我想落去踏下水, 但媽咪話就快行完, 唔好整濕腳.

咁又係, 係徑得 0.9 公里咋.

我地到菠蘿霸, 都係 11:45am, 返屋企附近食午飯, 剛剛好.

上星期間餐廳, 露天位有人訂左, 我地轉另一間.

今日佢地一人一份特餐, 一人餐足夠兩人享用, 又唔貴, 三位女子食到棒肚回家, 話左我可以幫手消滅啦, 又唔肯俾我幫, 真孤寒.

2 則留言: