今星期預告幾日有點雨, 本來無計劃, 點知下周冷峰來, 仲會有多雨, 原先下周的安排, 咪提早今日, 反正都係我地自己, 去邊好隨意.
來到烏蛟騰, 去下廁所, 都搞到8:47am先起步.
見我嗎 ?
我地又係沿烏蛟騰郊遊徑開始.
婆婆, 一路石級上, 唔好急, 但又唔好太 hea, 幾時有飯食, 睇你.
今日溫度合適, 唔曬, 宜行山. 坐的士入來時, 仲係有微微雨, 但路徑都好乾爽.
同郊遊徑要分手了.
現9:34am, 去荔枝窩個半鐘, 得唔得呢 ?
樹蔭多, 潮濕或雨後行都幾煩.
所以今日行, 連婆婆都話舒服.
不經不覺到亞媽笏.
呢度係分水凹直昇機坪.
抵分水凹, 等我快步霸位先.
有位坐, 等婆婆慢慢落來.
細媽至怕的T字石板斜路又來了.
每次來, 都提返起第一次, 大姨媽帶我地來時, 又濕又滑, 好跣的情景.
同珠門田梅子林分岔位, 我地好耐無由左邊路去荔枝窩, 加上細媽怕梅子林一段路較濕, 僅係唔行啦.
見印塘洲啦.
我地無入風水林, 直接靠右, 經長秀門行入村, 因剛才遇見到一隻沙皮同幾隻唐狗散步, 隻沙皮好似合益的沙皮仔, 細媽叫我一定有點驚, 咪抱我入村.
一出西門樓八達徑門, 四周唔同晒.
原來原先荒地已復耤.
仲種了稻米.
入西樓門.
今日有旅行團, 有成百人, 剛好離開, 去自然步道咋.
白花魚藤.
有板根的樹, 對出仲有矮大葉藻呀.
紅樹林, 唔少得. 我地又見沙皮仔出現, 向三椏村方向行.
可能我心急想快行到岩石位, 在途中, 快衝失控, 剎唔切步, 凌空衝出了行人徑外, 幸好我保持到平衡, 變了飛撲咁跳落石灘, 無誤撞岩石咋, 否則唔知點算.
過了紅樹林岩石區, 密密步.
11:52am , 用了 3 小時, 就抵達三椏村合益蜂場.
立刻去印證, 原來真係沙皮仔. 合益士多的沙皮仔, 不經不覺快四歲. 今日竟然在荔枝窩出現, 同幾個朋友仔去到接近荔枝窩風水林的五指樟附近, 玩夠又回頭, 當時都唔肯定係佢, 當去到合益, 原來真係佢, 竟然行咁遠, 過另一村玩, 仲識返屋企 , 叻仔.
今日仲遇到叻叻呀.
肚餓了, 快快來食物.
今日三人用 : 三杯鴨, 白灼鮮魷, 家鄉炒米, 紫菜心, 佢地好飽, 我只可雞乾.
逗留左一個鐘, 又起步.
三椏村十字路, 上路定下路走, 由婆婆決定.
婆婆偷懶, 揀上路, 短半公里.
入紅樹林地帶.
08年時, 呢帶的水筆仔仍是幼樹, 今日已經好大棵.
成片紅樹林同蘆葦海.
幾咁靚.
上犁頭石.
犁頭石的石磨仍在.
途中, 見有一個位, 豎立左個新牌.
原來呢棵古樹叫 : 五月茶, 又名五味子. 因胸徑粗壯 , 比較罕見, 因此, 特別關注.
呢棵有些榕樹根纏住, 漁農署應該係怕榕樹生長太快, 包纏呢棵珍貴古樹, 官方將榕樹根鋸走.
其實呢帶野生林, 真係好珍貴, 好多都應加以保育.
上路較開揚, 但今日天陰雲多, 又有風, 全家好享受.
鬼馬婆婆, 睇佢咁精伶, 好大潛能陪我地行山到佢80大壽.
接返下路.
楓香風水林, 仍未變紅, 但沿路好多楓香葉變枯黃掉下.
14:56pm, 回到烏蛟騰, 行左 5 小時, 食左 1 小時, 再返屋企飯堂, 去哥哥度食個美味下午茶, 好完滿一日.
沒有留言:
張貼留言