141220大棠賞紅往小欖

昨晚臨瞓前, 都係雨未停過, 大細媽都打輸數, 連行山背囊都無執, 打算今日去沙田行單車路咋.

我今早 5 點幾叫細媽起身, 佢懶床到差不多快 7 點, 開窗簾一看, 係見藍天, 地下乾晒, 即刻叫埋全家起身, 快快手梳洗, o拿o拿臨出發今日原先行程.

我地坐的士上來到大閘前, 9 點左右抵達, 大棠路無警察, 無封路, 停車場仲有好多空位.

我地坐車時, 好多人沿大棠路上來, 比我地往日來行山時, 多了些行山人.

仲以為大軍未到, 原來已經有人開始周圍影紅葉.

人又唔係想像中多, 仲比我地上年來時少.

又無乜國語人, 唔通我地早.

想唔到好好彩, 今年遇上藍天綠樹紅楓.

抬頭望.

天上一片紅.

沿路楓香都大部份變紅.

聖誕幾日, 都應該係高峰紅葉期.

但天文台預告假期會有雨.

我地都覺天公真鍚我同婆婆.

真係紅到不得了.

仍有部份未轉晒色, 但又橙又黃加點嫩綠, 好正.

真係好開心.

接近吉慶橋都仲有.

沿路亦種左好多楓香樹苗.

若干年後, 楓香路會更長.

到吉慶橋, 水塘路段, 無乜楓香, 可以專心行山.

媽咪本來想沿引水道行去大欖隧道轉車站, 但後段會接上泥徑, 怕地未乾, 都係行去青山公路會安全些.

行行下, 細媽見到個大波在樹頂, 仲大過足球, 拉近影低, 原來係蟻巢.

到元荃古道交接位, 細媽叫大媽估我會唔會捐入去.

媽咪即開相機, 我已經又例牌入去巡視.

巡視完畢.

當然出返來.

跟住又到另一路口.

我當然記得係圓墩郊遊徑起步點.

但媽咪話今日唔行泥徑, 惟有繼續按水塘道行.

都好o既, 始終我地安全為上, 唔可以俾婆婆滑倒.

粉蝶凍呆了.

途中, 竟有豬籠仲大過手掌的豬籠草.

今早起身, 都係 12 度, 凍到我騰騰震, 想唔到太陽咁燦爛, 未到 11 點, 我唔駛著衫, 現在曬在身, 仲覺好熱, 起碼超過 20 度.

又到越野場表現下身手先.

斜台高左D.

如果跳落去, 又危險左.

我唔會冒險的.

天塘藍.

又到打咭位, 今次又過大霸.

到小草地, 細媽提議行去小欖走.

2 公里多點, 又得呀.

呢段行越野單車徑, 當然行山人都可以經過.

過了小霸, 仲可以去掃管笏或接上麥浩徑第十段.

我地準備在小欖, 轉入呢條石級.


但我攰了, 我唔想行呀, 細媽.

媽咪話行多少少出車路, 我就可以坐私家車, 無問題.

到浪琴軒, 我結束今日行程, 坐私家車, 出返青山公路, 坐車回家去.