140914半走城門水塘

上星期, 媽咪問細媽, 今星期六日去邊好, 細媽本打算昨日行城門水塘, 但昨日凌晨有雨, 所以改計劃咋, 否則又獅子會, 又幾無新意.

唔敢摸黑來唸度, 所以我地遲些, 未夠 8 點抵埗.

晨早 8 點, 陽光已經升高, 我好興奮跑, 大兔耳就俾我狂奔勁風下吹甩, 惟有改戴另一頂無咁阻風太陽帽

入秋, 下午氣溫仍會達三十多度, 唔可以長征住, 所以我地打算行半段緩跑徑, 再原路折返, 咁在樹蔭小徑下, 我咪唔易中暑 lor.

海鷗下周二迫近香港, 有可能在三百公里內掠過, 所以今日咁好天係難得.

可能剛才興奮過度跑快左幾步, 一入緩跑徑, 我喘晒氣, 媽咪擔心我, 抱我行左一分鐘.

回返氣, 我自己行返.

大步行, 無事.

仲有, 呢度會經過小溪流, 我會自己照顧自己, 唔會俾自己中暑.

濕左半身, 真係爽透.

可能昨日雨濕未乾, 唔會行到砂土飛揚.

嘩, 當我聽到水聲, 好自然又飛奔踏入水, 舒服.

我記得呢舊大石, 次次浸完水, 我都會來呢度影張濕身照.

今日又俾細媽發現朵野生蘭花.

希望無人會摘左花兒啦.

半段緩跑徑係 2500m, 有石級接上個休憩地, 我地小休, 就回程.

本來原路折返, 但媽咪唔想, 佢提議行畔塘徑, 無咁悶, 路又闊, 細媽見都有樹蔭先唔反對.

原本緩跑徑設計俾人跑, 但畔塘徑路闊, 更吸引好多行山人及跑步者, 二位表姐當年中學長號訓練都係呢度.

太陽升高左, 被樹及山遮擋陽光的路少左, 但未烈日當空時, 都仲好好行.

我一見呢個涼亭,  又飛跑入去, 但佢地唔入來, 我惟有又跑返出來叫佢地.

仲早, 存有三十度, 陽光夾在樹影都唔太熱.

細媽成日投訴我肥, 剛好經過山水位, 媽咪幫我淋濕身, 蠻腰出返來, 媽咪話我爆毛, 影肥左, 細媽話係我毛毛乾燥唔順, 鬆起咋, 仲話我有肚腩, 大到掉下來, 無修肚, 激屎我

剛才山水太凍, 一淋就凍到我彈起, 凍到笑容收埋.

到麥埋浩徑第七段起步位, 有一大班姨姨叔叔行山人行落來, 原來佢地上了未到一半, 段路太空曠, 陽光好勁, 佢地怕中途出事, 回頭改行程, 媽咪話二十度下就又來挑戰.

行左兩個半鐘, 好夠了.

打後有車來回, 細媽話抱我行去小巴站.

當我地到大霸位, 見有的士載客入燒烤場, 我地即停步, 等的士回頭, 就可以快快回家.

回家前, 當然要醫肚, 我地發現家附近, 有露天餐廳, 坐低仲有把大風扇, 正.

唔止一間, 仲有麵家, 多左選擇, 下次玩完, 可以返來先食飯, Yeah