141207上窰郊遊徑

星期日係例牌短程 hea 日, 連續幾星期都去行城門水塘蝴蝶園果邊, 見天文台預告, 今日都只係有點雨, 一於改來上窰郊遊徑.

到元五墳個涼亭, 行出幾步, 想話影張相o者, 屎唔屎咁大風, 吹到險些企唔穩, 諗住今早暖左些, 無著褸, 立刻又變了震震B.

細媽立刻幫我披返件圍巾.

入郊遊徑, 勁風吹唔入來, 我可以唔駛披圍巾.

但仍保持閉咀狀態.

我好驚體溫由咀巴漏走.

唔知係咪剛才在水塘邊吹親肚仔, 行行下, 將剛才起步時食的雞肉乾早餐嘔返出來.

嘔完後, 精神好返些.

於是, 我又在曝罟灣營地小休.

補充體力後, 先再繼續行程.

雲厚, 仲有一兩滴雨點, 唔好落大雨呀.

過小溪, 都唔好踏到水濕腳.

今日好專心行, 因為媽咪未食早餐.

我地行短程, 係昨日行完長程.

今日好回家, 要在白天洗白白.

如果晚上先沖涼, 有排吹乾全身毛毛, 我一定凍僵.

今日用左 1小時 50分鐘行畢, 證明無拖太慢.

唔去起子村.

快快出返市區.

今日有長跑, 希望唔難截的士.

到復興橋, 都係用左兩小時多點. 我都肚餓, 快快去哥哥度醫肚.