假期第三日, 又係瞓夠先起身, 坐車來城河 Hea下.
媽咪昨日回家即叉相機電池, 好似好醒目.
今日準備開相機, 按極唔著呀, 打開電池位睇, 原來無放舊電池, 佢唔記得昨日叉電池後收起, 細媽今早見無拔火牛, 拔完就落街買餸同早餐, 唉, 媽咪越來越嚴重.
好彩佢有充手機電咋, 粗粗地, 都有我今日打咭相.
仲有, 屋企較暖, 佢地幫我著件薄T-恤, 點知在沙田好大風, 仲有點凍.
點解, 呢個聖誕假, 兩個媽咪咁大懵.
行行下, 有雨粉, 行到接近瀝源橋, 雨點大了, 細媽怕我凍, 叫我上車.
雨時密時疏, 我地急急去轉個細圈就走.
今日又係專登校準時間來食午飯, 我當然都有, 咪又係雞乾呀.
沒有留言:
張貼留言