151017熱秋第二波 - 上窰

又到星期六, 安排短程來慢慢練體力, 而且接近重陽節, 暫時唔考慮大欖涌郊野公園一帶.

今日又有圖騰跑比賽, 由北潭涌起步, 往大帽山扶輪公園, 全程57公里, 巧勁呀.

 一早講今年冬天唔凍, 想唔到秋天如夏天.

8:17am咋, 想唔到, 早上太陽照在身都有點熱.

好彩我地揀行上窰郊遊徑, 有樹蔭, 又唔會同比賽者撞.

 有樹蔭, 點解起步, 太陽咁曬, 好熱呀.

好彩, 大細媽見我熱, 都抱下我, 等我休息.

今日每過小溪, 都有好多清澈溪水, 早前雨較多, 部份路的泥石都被水沖走, 我就在其中一條小溪附近小徑, 想跳落高企大石級時, 不慎因被水沖至鬆散石堆而滑倒, 嚇親大細媽.

有大細媽安撫, 我好快回復安靜心情.

你地睇我離媽咪咁遠, 都笑得幾自然就知.

到曝罟灣, 婆婆又要搵廁所, 要在有蚊地方等佢, 想屎.

終於返來, 又起行.

好多溪水, 細媽話今年夏季無去玩水, 所以秋天都唔玩水, 乜道理 ?

開揚位, 樹蔭下, 我永遠都保持笑容.

燦爛陽光, 好似會一直延續到下周.

明天安排晨運.

因為星期三係重陽假, 大細媽話我快 11歲, 唔可以玩太盡.

今日都係最多拉長行到兩個幾鐘, 留力.

但陽光下.

唔好停留.

在樹蔭下, 可以休息等婆婆.

快到郊遊徑終點位.

行左兩個半鐘呀.

但仍要去返去大網仔路, 呢段平路, 唔辛苦.

沿路都有行山人士入來.

而我地就愛反方向行.

美麗龍坑.

對岸的發記士多, 因收地原因, 營業至 11月9日咋, 以後, 行山人就少左一個休息站.

今日來西貢, 有一個主要原因, 因為想幫我入貨, 可惜最後係大細媽自己有收穫, 我就得兩大包尿片咋, 激屎.