151107城門水塘往大埔滘

又一個禮拜, 今日大姨媽有空, 又來一齊行山.

又話會有雨, 唔敢行泥路呀, 昨晚先定由城門水塘行去大埔滘.

 睇落天氣又唔差, 但行左陣, 全家都有些汗.

見得多, 我同大姨媽好熟呀, 所以一直追住佢行.

有時我一八卦慢左, 又要狂追大姨媽.

今日婆婆有大姨媽照顧同鞭策.

媽咪輕鬆多, 唔駛成日回頭望.

見水塘景好靚, 所以, 我同大細媽行落來塘邊.

婆婆就同大姨媽行先, 我地影完再追.

我追返佢地喇.

因為無行山太耐, 都係慢慢練起腳力, 媽咪驚自己抽筋呀, 其實今日都有約 12 公里.

媽咪, 兩老又在前, 大姨媽無影, 婆婆快到得背影.

又再次俾我追返.

又到大楓香樹下.

媽咪好耐無同我合照喇.

又要追婆婆, 今日好忙.

兩個鐘多點到達鉛鑛坳小休.

休息夠, 要斷續行程.

針山草山, 等遲些天氣再涼點, 乾燥點先成行.

天陰陰, 但全家都行到好多汗, 但我又唔覺太熱.

踏入大埔滘自然護理區, 原來的垃圾箱不見了.

漁護署今年 9 月中起, 展開「自己垃圾自己帶走」活動, 鼓勵行山人士把垃圾自行帶走. 為培養市民「自己垃圾自己帶走」的習慣, 漁護署率先在大埔滘自然護理區、馬鞍山郊遊徑、大欖涌郊遊徑、香港島龍脊和大嶼山鳳凰徑第三段等 5 個試點, 移走主要出入口位置以外的垃圾箱, 為期一年。

我地都慣左帶住垃圾行, 無大問題, 有時出了市區, 仲忘記棄掉, 帶埋返屋企.

 有句話 : 秋風起, 三蛇肥, 今日總共見到三條BB蛇, 無成年大蛇喎.

中午時份, 陽光出來了.

好攰呀, 好彩我部私家車仲有油, 行得郁.

仲有大半個鐘行完, 我休息左一陣, 行埋餘下路先.

到路口, 往時都間中有車來往, 所以都係暫停我今日行程.

到龍成堡, 總共行左 5 個鐘, 好夠. 仲要再行出去大埔市中心, 先有車返屋企, 細媽, 辛苦晒, 我要上私家車呀.