151013打針日

今日見細媽返左半日工, 返來又幫我梳毛, 仲以為有運行, 點知帶左我去見羅醫生.

原來又一年例牌要見佢, 但我唔係好想o羅. 

大細媽成日話我好墜手, 似重左, 出來前, 細媽餵左我飲好多水, 我又未去便便, 上磅都係 5.7 kgs, 同往年差不多咋, 成日哦我食得多.

我一見羅醫生, 又全身僵硬任擺佈.

羅醫生 : 唔熟咩 ?

我一年只係見你一次, 真係唔熟你喎.

細媽同醫生講要驗血, 醫生問驗乜血呀?  細媽話一年驗一次果隻o羅, 佢地D對話好搞野.

打完針, 抽埋血, 我即刻入私家車叫開車, 點知仲要等埋驗血報告.

驗血結果, 醫生話整體都算 OK.

好野, 又走得, 明年防疫苗先見喇.