151021藍爵出巡@重九

呢個秋天, 中午份外熱, 重九一天假, 都係晨運算了.

來到小瀝源, 涼涼地, 原來得 21.9度, 比屋企果頭清涼好多, 媽咪仲覺點點冷.

 

太陽越來越遲出, 金色陽光照在身, 好和暖.

如果全日都係咁溫度, 媽咪實同我去行山.

本來想行下城門水塘, 點知有針十登長跑, 雖然唔係跑緩跑徑, 但 9 點在大霸起步, 肯定多人, 都係避下.

我在河畔走, 人少好多, 安全多.

肯定唔會被腳陣亂腳步.

望咁耐, 有無為意我頂新太陽帽.

細媽話藍底加白斑點, 似雀斑, 所以叫藍雀.

咁我今日咪藍爵出巡o羅.

仲有細媽話重九要登高, 河畔全係平路, 一於上天橋來應節.

有時, 我都覺兩位阿媽都幾白痴又低B.

但我唔介意, 鍚我就夠.

上左天橋, 媽咪又話再上多次, 今次過橋.

佢話高於水平線又應多次節.

真係無佢地咁好氣.

婆婆就慢條斯理.

我就趕去打咭.

為乜, 你地知啦.

有人叫肚餓.

我做孝順仔.

加快腳步.

霸定好位, 姨姨, 唔該, 我地又要點餐喇.