150926迎月晨運

今早更平時早了出門, 唔駛急急腳, 又坐到頭車, 點知車無冷氣, 有乘客頂唔住, 所有人都要落車轉第二班. 最後遲到要 06:45am先起步.

但太陽都係剛升上山, 在水中倒影, 似黃昏呢.

其實都些似升起的月亮.

今日係迎月喎.

就當提早賞月啦.

可能遠遠有個颱風杜鵑, 呢兩日都熱, 原先媽咪講話今早去城門水塘, 都要取消.

仲好啦, 去城門塘, 我地無早餐食.

行河畔, Hea下, 又無馬騮, 自在些.

又可以搵朋友仔傾下歇.

今早又遇見桃桃由媽咪帶出來散步, 但佢媽咪唔識我地, 佢地無停低呀.

我地呢個暑假, 識左好多街坊, 次次都圍埋打下招呼呀.

今早雲少, 唔過對面, 又無過橋, 雖然行少了, 但一連三日假, 唔可以太粗勞.

打完咭, 朋友仔們出現了, 今日天氣涼點, 同叉燒行了一大段路.

到沙燕橋, 分道揚鑣, 我當然係轉去沙角邨.

今日坐風位第二張檯, 仲涼呀. 唔講喇, 我催媽咪開餐.