151011隧道豪宅行

細媽摸黑起來, 見地面乾爽, 於是全家又出動, 點知落到樓下, 雨點來了.

上到車, 雨點越來越大粒, 唔通咁快打道回府.

猶豫不決, 想按鐘, 車已過站, 最後都決定照出動.
怕濕透凍親肚仔, 我唔會在露天行, 細媽抱我在每個隧道停留.

行隧道當行豪宅.

個個隧道或橋底都以千呎計, 如果屋企有咁大就正.

雨稍停, 我爭取在行人路自由行.

但細媽唔放心, 雨一密, 都堅持抱我.

我知大細媽鍚我, 否則佢地都坐車直接回家啦.

今早凍呀.

仲好好風.

走到河畔邊, 強勁東北季候風下, 我會唔會吹落河呢 ?

呢度係翠榕橋底, 每次大雨, 我地都會在此等雨停, 次次, 我地都幻想, 如果呢度係三千呎豪宅, 我地點安排間房 XDXD

細媽話唔做運動, 一陣食早餐時, 有罪惡感, 於是決家全家至少在豪宅來回行至少十五分鐘.

我好認真呀.

係競步, 唔係 Hea, 呼吸聲加燦爛笑容, 證明夠運動量.

最後逗留左 21 分鐘, 不浪費光陰.

往沙角邨途中, 無隧道同橋底, 但有天橋, 都唔可以放過.

昨日行左10 多公里, 今日都行左兩個多鐘, 都唔錯, 因雨關係, 都係上返私家車.

天氣可以轉涼, 我每次起步都覺肚餓, 我要補充能量增加熱能, 先有力行, 大細媽, 你地記住下次帶多些早餐俾我呀.