150914覆診日

今日下午兩點又到廣華覆診, 先拎籌才去食午飯, 怕又緊張肚痛, 唔敢飲凍奶茶. 去埋廁所, 13:50pm按時提前安坐等叫名.

一路望顯示屏打出籌號, 一路四處望, 又上FB, 希望分散情緒, 仲必急尿呀.

14:35pm, 終於到我.

今次係男醫生, 猛話驗血報告無問題, 我問肝酵素有幾多, 佢遞張報告俾我睇, 仲問我 : 你識咩 ?

俾佢吹漲. 

我問埋病毒DNA情況, 佢回話驗唔到, 即係無大礙.

我今次記得, 問幾時照超聲波, 佢話你份報告唔錯, 食住藥, 唔駛成日照. 我話電視都有宣傳要定期照啦, 佢話如果我覺得需要, 可以去私家醫生照. OK, 無問題, 我預左, 但唔好話我報告好, 食藥就夠.

跟住, 佢問我, 開半年藥, 有無問題 ?

佢真玩野, 藥係醫生決定長短時間, 有乙型肝炎病毒人士, 最好每半年驗一次血, 咁佢想點先.

最後, 咪又係開半年藥.

半年後覆診, 下次係 29-2-2016 14:00pm.

(6/11/2015更新 : 因有事, 致電廣華查問改日子, 原來可以電話即時更改, 有兩次更改機會, 待驗血日先拎張新覆診紙, 手頭有 一盒後備藥, 改了 7-3-2016 15:15pm, 驗血時間不變.)

提前兩星期驟血, 即 15-2-2016 11:30am.

14:43pm 拎紙排期, 接住去拎藥, 15:06pm 走得. 前後在醫院停留, 都係一小時十五分鐘. 時間無拖長, 唔駛越等越緊張, 無肚痛, 無尿急, 無肚瀉, 無醫院候群症出現. Yeah.

下次又係咁時間, 相信唔會再出現醫院候群症卦.