昨日, 細媽長週, 我知佢地約左大細表姐去食午飯, 又賣甩我一個在家.
所以, 如果今日起身有雨, 我又無左難得的一日晨運.
半夜有雨, 無落在我家頭上, 陰晴不定, 所以又晨早出來, 趕在未有雨前, 開心行個大晨運.
今日涼涼地, 暫時唔駛著散熱衣.
見到太陽升高, 但厚雲擋住佢.
溫度適中, 步伐輕鬆.
細媽話襯天陰多雲, 今日過對岸.
城河邊, 似有一兩滴雨.
但到划艇會, 又唔似會大雨.
咁再行遠些.
體育學院呢段, 比較少行.
好多雀仔呀, 有些已經飛開在另一位置.
到馬場前的一段, 行人路同單車並行, 所以折返回頭.
感覺有些熱, 著返散熱衣, 唔駛伸得太長脷. 有人叫肚餓, 快快步.
點快都唔會快得好多, 因為婆婆大墮後.
所以, 急都無用.
咦, 呢度地面, 似乎濕了, 媽咪在划艇會回望時, 見大圍方向有些濛濛, 唔通剛才有驟雨.
地真係好濕, 想唔到, 我地在城門河, 可以一邊乾爽, 一邊過雲驟雨都唔知.
相信唔係好大雨,
例牌打咭位, 媽咪儲左好多閃咭了.
沿途撞到好多朋友仔, 打下招呼, 好快就到沙角邨.
又搵到風位坐, 雖然吹到毛毛亂晒, 但唔會熱親, 飲啖水, 食下雞乾, 不知幾嘆.
飽飽, 當然要回家, 到家樓下, 雨又來了, 快步跑回家, Good Luck.
沒有留言:
張貼留言