151114深井至大欖

昨日都好大雨, 今早見天色好好, 相信行石屎路會安全.

朝早8 點多, 鬼咁好陽光.

陽光照, 地面水漬都乾透.

媽咪話今日由深井公學上, 可以隨天氣來改路線.

深井儲水池附近幾棵楓香, 仍係綠色, 相信今年會遲些變色.

風和日麗下的早上, 出發了.

上來呢段, 要留意下, 因為附近住左一班野毛孩, 我今日叫媽咪快開早餐, 驚動佢地又叫埋. 下次, 都唔敢咁嘈, 騷擾佢地.

生態園只得好少蝴蝶, 係咪未到時候.

今日無雨, 好好運, 否則似昨日咁.

我就要同婆婆在家發毛.

媽咪探左路, 泥徑唔太濕, 決定中途插入圓墩郊遊徑去大欖水塘.

認定路線.

大欖郊野公園, 四通八達. 起步時, 遇到位叔叔同佢大黑毛孩, 叔叔話可以行去沙田, 只需 6 個鐘. 我地知係可以好多路行去, 但唔係o丫, 我地四口組, 起碼要露營野外過夜先得. 我地都慣了龜速.

Hea 住行數啦.

行下, 又嗲下媽咪.

加埋有雞乾, 我行山就好滿足.

行泥路, 腳仔舒服好多呀.

只係間中有點點斜坡.

又分岔位.

都係繼續圓墩郊遊徑.

呢度行, 會縮短行程, 因為暫時唔可以一下子行得太長.

練下腳力先, 下星期可能長征, 但都要睇天氣.

嘩, 最難呢個斜坡, 要小心.

出返水塘邊.

嘩, 點解咁曬.

好彩我有大細媽, 途中都間中抱下.

越野單車障礙場無樹蔭, 惟有搵呢個位遮遮.

都係唔掂.

叫婆婆打傘好過.

今日無大姨媽催促, 婆婆, 你都唔能夠停步不前.

秋來, 野草長出穗, 細媽話似我耳仔飄逸長毛.

見到大霸了.

加油中.

到打咭勝地.

附近有維修, 只餘下呢個位可以影到大霸.

陽光在頭頂, 我架私家車隨時候命.

今日都成身黐滿鬼針草同淡竹葉種子.

途中都停左好多次清埋, 否則會拮痛呀.

到舊水務局員工宿舍, 我好攰了, 好彩一叫, 司機即停車接我.

已經攰, 返來都唔可以休息, 仲要沖身吹毛, 攰屎我了.