151226荃錦坳下深井

細媽今年做左兩頂新聖誼太陽帽俾我, 今日 Boxing Day, 當然要戴第二頂.

點知相機無晒電, 好彩仲有手機, 但色彩仲唔及相機呀.

昨日早上一場雨, 今日唔敢揀山路行, 又唔想去城門塘, 一於由荃錦坳去深井, 車路唔怕濕滑.

往時山下好天, 大帽山及荃錦坳都可能好濕, 如入仙境, 竟然唔係想像咁, 真好.

但氣度都係 10 幾度, 我地都要著多件衫保溫.

細媽話我大鼻孔, 你地唔影我大頭咪無事o羅.

細媽話真係好天喎, 無霧, 見到山下.

係未見太陽咋.

或者我地早出, 昨日下午, 見Dee Dee都係行呢度, 藍天白雲o架.

好彩我唔揀擇, 只要有山行, 路段又安全就足夠.

今日比昨日多左好多越野單車同行山人.

個個見我, 都開心笑地同我講 : Happy X'mas.

帶俾人途中一點歡樂, 我已好滿足.

昨日行左都四個鐘, 細媽都驚我攰.

但我地轉去深井都係半天行程.

婆婆都無叫辛苦.

大細媽間中抱下我, 我休息一陣, 又充滿力量.

接近中午, 氣暖上升, 我又變回毛毛波, 唔駛披褸了.

唔止行山人, 好多人來練跑呀.

聖誕少不了松果, 細媽又搵埋一大疊.

要應節.

影夠, 走喇.

真係見藍天, 但我亦覺熱了.

無個位, 都好多休息緊的行山人, 無位坐, 惟有快快下山.

往喜香農莊一段, 上星期仲好靚, 今日楓香枯了好多.

蓮花仲未開喎.

呢邊都未茂盛, 要多等一排.

好晏了, 我都要快快步.

深井村就在山下, 大家加把勁.

係時候到我止步休息.

又去返昨日一間 Kcal, 今日有些唔同.

因今日有埋媽咪呀.