151212輕遊大浪西灣

今日天陰密雲, 我被化身為羊咩咩, 究竟帶我去邊呢 ?

原來入來西灣亭, 當在西貢市中心, 準備上村巴時, 叔叔一眼就認得我地, 話好耐無見, 仲問我去左邊, 媽咪指下我部私家車, 叔叔即笑 XD

坐慣坐熟, 同叔叔識左快 7 年了.

今日都幾大風.

唔敢笑呀.

下午家中有事, 我地揀短程, 輕鬆上落大浪西灣.

 段路只係有一小段稍斜, 慢慢行係無問題.

年中好多場大雨, 仲以為水塘會儲左好多水, 但好失望.

吹筒坳勁大風, 不宜久留.

婆婆, 一步一步行喇.

 下山途中, 婆婆話要落斜咁甘, 回程又斜上, 佢想中途回頭, 大細媽話 : 好, 你自已返轉頭啦.

最後, 婆婆咪屎屎氣繼續跟實我地行.

終於來到大浪西灣, 吹東風, 好大浪.

好彩細媽唔會叫我游水咋, 實凍屎.

好耐無跑沙灘, 熱下身先.

太開心, 太興奮.

過左二灣.

來過全海景, 先回程走喇.

突然見到兩隻年幼黑狗, 見佢地埋去露營人士身旁, 似討食, 起初以為係浪浪, 媽咪好心痛, 怕佢地肚餓, 後來知係海灣茶座收留的其中一仔一女, 佢地其他兄弟姐妹有義工已搵人領養.
媽咪諗, 佢地可能大細妹有血緣關係.

巨浪一個接一個.

唔可以留太耐, 怕吹親.

又係回程時, 婆婆在後方好遠.

我惟有行下, 停下.

接近中午, 有陽光出現, 溫度回升.

我都可以展現笑容.

媽咪想趕早上 12 點尾車, 我快步趕, 希望截住唔俾車開.

竟然 11:45am就到回西灣亭, 見有的士喎, 媽咪話上車喇, 婆婆同細媽急步跳上去, 走人.