151010秋步禮 - 城門水塘一圈

終於有入秋感覺. 今早唔摸黑起來晨運, 媽咪想安排行山起步禮, 停左接近半年, 要由簡單開始.

所以我地 8 點就來到城門水塘麥理浩徑第七段燒烤場起步.

起身時, 有太陽o架, 但來到城門水塘, 天陰又有風, 好舒服.
今日有位哥哥, 佢認得我地上年在八仙嶺見過, 因為佢有睇我個Blog, 媽咪想起, 上次哥哥在八仙嶺時都話見過我, 即我地有三次在郊野相遇.
咁多年, 我地都在山頭遇返好多行山叔叔姨姨, 佢地都係網上見我個花菲洛部落格, 知我愛戴太陽帽行山, 但仲未再撞上送帽給我的有緣人.

好耐無行山, 心情特別靚.

媽咪話沿緩跑徑行一半先.

天涼了, 婆婆都著定件外衣防著涼.

細媽成日話我跑得慢, 你地睇, 我識飛到堅離地, 仲快到媽咪影唔到.

我唔係高官, 當然都有著陸時.

樹蔭底.

露天中.

都一樣笑迎人.

又識定定擺 pose, 今日好多行山人士讚我, 十年功力, 唔o野小.

細媽, 我見到蠑螈走左來呀.

原來唔係屋企的, 係野生的, 第一次見到. 野生生物唔好捕捉, 望下算.

媽咪見我無攰樣, 一於決定繞水塘行一圈.

點知轉方時, 陽光又破雲而出.

惟有快步些.

仲唔會全段都係露天無樹呀.

行行下, 又發現左一棵野生蘭花, 但只見花莖, 唔覺附近有葉, 真怪.
影俾大姨媽睇, 佢話似石斛科.

來城門水塘, 都唔止一次見野生蘭生, 仲有一樣都常見.

就係朋友仔, 呢位兩歲小朋友見到我, 起初有點驚, 但又走回頭想同我玩.
最後, 佢媽咪話要返屋企, 一支箭走左.

見石級, 即快行完緩跑徑.

前排密密雨.

山水源源不絕, 水塘接近 8-9 成滿, 唔知萬宜水庫點呢 ?

完成 5024米.

行石屎路, 無泥路咁好走.

抵達半閒亭草地.

當然要落堆白千層林.

大片草地被水掩了, 無問題, 水塘僅要有水, 唔通要填平來起樓咩.

聽到嘈吵聲, 接近馬騮盤據地, 小心四周.

離遠馬騮集中地帶, 又落來塘邊望下風景.

細媽不停問我攰唔攰.

我攰就識叫同拍細媽腳, 要上私家車.

呢刻仲精神呀.

但頭一次都唔扯咁盡.

行左4.25小時, 都差不多.

東北季候風來, 明天有機會降至20度, 仲有些雨, 明天應該都係晨運.
下周天氣唔錯, 媽咪諗下去邊度行啦.