十一假期, 昨晚又掛起雷暴警告.
今早入到小瀝源, 雲層厚到見唔到太陽升起.
天陰陰都好o丫.
暫時都係得廿七度.
行得幾爽呀.
細媽話咁多雲, 過橋啦, 點知過了一半, 天空突然穿了個洞, 太陽在雲中破出.
行到划艇會, 太陽好猛呀, 無諗到呀. 媽咪見咁曬, 打算抱我返對岸.
點知, 太陽唔夠厚雲勁, 出左一陣, 又藏起來, 我唔駛伸長脷仔散熱了.
於是繼續向前行.
暫時仲好寧靜, 因為仲早, 未有傭姐姐來聚會.
細媽話唔過橋住.
今日再行遠一點.
在獅子山隧道公路過河.
今早太陽出來, 都幾驚太熱, 因為今日無帶散熱衣.
我都係愛天陰陰.
我地又撞到好多朋友仔出來, 呢位係細B.
呢兩位老人家, 後一位有十二歲多, 叫QQ, 前一位係叉燒, 十六歲多了.
我揍埋去, 我細好多. 仲有牛丸同 Pizza怕醜, 無影到佢地.
女人真長氣, 傾左好耐, 我肚餓呀, 催左好多次先肯走.
今日又搵到風位, 嘩, 吹到傻佬咁添.
沒有留言:
張貼留言