150919自費超聲波

政府醫院唔幫我照超聲波, 自己仍有能力, 咪自費照o羅.

原本係在中環診所照, 因負責的醫生有約, 要我就塢往銅鑼灣.

今早空腹 09:15am抵達, 我想起上次係帶婆婆來照魚蛋, 仲係和藹的曾醫生負責.

入治療室一望, 頭頂有顯示屏, 可以一齊睇實照時的情況.

曾醫生入來, 我認得佢, 仲讚佢好人. 佢一路幫我照, 每幅都詳加解釋, 好清楚.

先照左肝, 好好. 照到大動脈同心臟又話我知. 右肝都唔錯, 佢話一些肝硬化跡象都無.

接住係脾臟, 用來製造血液, 又係靚仔.

膽內有一粒唔夠 0.4cm瘜肉, 佢報返舊報告及片, 呢粒瘜肉, 一直存在, 正常係良性, 唔發大, 絕對無問題. 之前的醫生都無同我提呢. 都話呢位醫生細心.

報告會直接交回許醫生, 但我已知晒, 呵呵.