今日原本約大姨媽想長征, 但媽咪有重要事辦, 都係要留力.
又話有一兩陣雨, 最後, 改了去港島行東區自然步道.
嘩, 溫度舒適, 仲要好乾爽.
有齊四個大人陪, 開心屎.
好大風呀.
唔過呢度.
按行開路線行.
上星期, 大欖水塘滿滿, 大潭水塘就好耐無滿溢.
BBQ靚場, 如果有埋廁所就正.
轉上柏架山道, 等埋我同媽咪.
今日因由柏架山道上來, 無行到大霸底.
塘邊景色真好, 今日又厚雲, 無曬到我傻.
商量好耐, 想行下野豬徑, 但大姨媽話係碎石斜路上大風坳, 都係唔行了.
冷氣走廊, 開始失去大姨媽影蹤.
行捷徑都唔見佢.
最後都係到大風坳先見呀, 佢行得太快了.
大休, 今日有三文治魚醬三文治, 成座山咁高, 你地都食唔晒啦, 我會幫手的.
休息夠, 下山了.
媽咪怕今日行程短左D, 提議行埋康柏郊遊徑.
全泥徑, 有樹蔭.
常常聽到水源聲.
嘩,俾我偷雞玩到水.
但四腳濕晒.
俾細媽話我變左四支牙籤插住一碌大蕃薯.
黃婆射尿, 大家見過未 XDXD
秋季行山, 特別正.
媽咪已經有下星期六行程, 期待中.
恐龍頭, 也有人話似董伯伯側面.
大姨媽話有條路上返去大風坳, 但又上返去, 似乎傻左D.
落山, 婆婆, 努力.
見到衛奕信徑路標, 即快行完.
離開郊野公園範圍, 行程快將完媧, 準備出返市區, 又要搵地方醫肚喎.
沒有留言:
張貼留言