150913四式橋

又係清涼的晨早, 今日婆婆又咪咪麼麼, 搞到走了頭班車, 遲左入來, 細媽昨日話左今日行新路徑,比平時長程左, 惟有快步D啦.

頭段無拖延, 今日又到同一位置, 仲睇住太陽由山坳中冒起.

好快升高, 但今日雲比昨日薄, 感覺有輕微耀眼.

又係暖暖金光.

到運動場外, 全段都無陽光照射, 涼風吹, 今日又相信唔駛著戰衣.

到城門河畔, 又陣陣風, 細媽話遲些可以改行城門水塘, 唔駛晨咁早行城門河.

細媽提的新行法, 就係見橋過橋, 咁四條橋行晒, 路程就多左好多.
先過表翠榕橋 (即我地的表姐橋)

過得對岸, 又近划艇會, 當然去埋打咭位.

諗住雲厚擋陽光, 先行過呢邊, 唔好太曬吵.

太陽又偷懶, 佢想又瞓陣先喎.

沙燕橋呀.

最衰要全家一齊行晒四式橋, 否則我可以直衝去沙角邨霸位先.

直搗第三條橋.

瀝源橋了.

快, 快, 快.

今日步伐唔慢, 時間同往時差不多.

行快D, 行快D.

仲有第四條橋, 好近咋.

過埋呢條橋, 就係打咭位.

Yeah.

迎著風.

扮下獅子.

諗下一陣又開餐, 笑到眼迷晒.

婆婆, 唔好掛住傻笑, 行啦.

熟晒地頭, 我一入來沙燕橋底隧道, 就知快結束晨運, 你地行快D啦, 我好心急呀.