191229趕在下雨前

天文台報今日會落雨, 仲話夜間局部地區有雷雨. 今早起身, 天雖灰間多雲, 但晨步係無問題.

只係我一上車, 就唔想落車.

191228舊要走, 新快來

昨晚快 11 點 多, 得媽咪在廳對住電腦開工, 電視未關, 突然聽到高頻聲, 媽咪周圍搵聲源, 埋去電視旁, 發覺由電視發出來, 仲感覺好熱, 媽咪立即拎遙控關機, 點知一按, 電視就 POP 一聲, 連後備燈都熄埋, 無左電咁, 仲要發出焦燶味.

噢, 咁就無左, 可能婆婆一路開住, 好彩有人先出事咋.

查返, 原來部相都買左成 7 年半了, 2012年 4 月 15日圓返來.

http://www.weshare.hk/phyllis2210/articles/1311624

191228清快塘環回走

本來今日行程係安排聖誕節行, 跟住回深井食大餐, 點知婆婆話唔太舒服, 我地唔勉強了, 三母子行啦. 行完就返去同婆婆去菇亭食午餐.

191226攰豬 Boxing Day

有返咁上下年紀, 玩一日都攰傻.

191225聖誕在鰂魚湖北潭

今日聖誕節, 大姨媽約我地行山, 但唔可以揀太難同多石級, 佢話由鰂魚湖起步, 沿小溪走, 大概行兩公里, 都係平路, 婆婆可以應付. 想返起 2008年11月16日, 我地都行過上去, 但成 11 年了, 無太大印象囉. 

http://www.weshare.hk/phyllis2210/articles/1312522 

191222簡撲冬至

昨晚出去打煸爐做節, 基本上, 我都未瞓夠, 所以, 今日起身, 都懶洋洋.

細媽, 我唔想落車呀.

191221打煸爐過節

上年趕飯堂搬前打煸爐過節, 講左今年會再來.

今日返到屋企, 大姨媽突然上來, 於是問下佢有無興趣, 邊知連大表姐都有興趣一齊呀.

我同大表姐好投契呀.

191221冬至前夕

昨晚突然落雨, 今日都唔敢去得遠, 細媽今早起身, 望到地乾, 當然入來城河行下.

191215攰豬洛晨步

昨日行完東區自然步道, 對我來講, 好夠皮.

所以, 今早落車, 細媽叫我出來, 我都唔係好想出.

191214東區自然步道

前晚, 媽咪仲問緊細媽, 今星期好天, 不如去下其他地方行, 點知佢昨日因要搬公司, 執到攰, 話今日照行老地方.

191211真係要長期抗戰 ?

上月 5 號, 醫生開左 4 星期抗生素俾我, 

2/12 最埋最後果次, 跟住 9/12食埋多出的一星期 B12.

點知, 10/12早, 我又開始痾軟便.

10/12 深夜至 11/12 清晨, 肚仔唔太舒服, 叫醒大細媽, 抱我去廁所, 瀉出來呀. 都馬上餵我食止瀉藥

無法啦, 媽咪打電話去訂藥.

細媽收工返屋企, 婆婆報告, 我瀉左 4 次.

媽咪好夜先收工, 知我瀉咁多次, 都係要趕去拎藥, 希望早食早止啦.

診所哥哥話, 醫生上次已經寫低左, 所以, 今次係配一個月藥, 哥哥話希望食完呢個療情, 可以治好, 否則, 真係要長期作戰呀.

191208漸回暖的早上

今日照舊瞓多陣先起身, 今日稍後會暖返呀.

191207乾凍的冬晨步

星期四早上11點開始, 強烈季候風到, 傍晚溫度已經降到得 12 度, 好彩早一晚, 媽咪拎定油壓暖爐出來, 我同婆婆都無凍親. 因為預左會有幾日早上都冷, 所以今星期唔去港島喇, 免得行到成身草及泥, 要返屋企大清潔. 仲有, 婆婆懶, 都未必肯去港島, 驚凍喎.

191201晴天晨步

今日瞓晏少少先出門, 因為又係去食午餐.

191130大潭洛

因為過唔到香港, 所以無來大潭水塘兩星期.

191124身體力行

今日好緊要, 我地早點起身出門, 為的係想投票站開門就去投票, 為自己發聲. 想唔到條龍好長, 打蛇餅呀. 好彩都順利, 仲趕好平時坐開果班車來小瀝源.

191123藍天獅子會

細媽 : 家洛, 到喇, 出來啦.

191118覆診日

又到覆診了, 已經習慣左, 無了侯群驚恐症, 唔驚又肚痛.
今日唔多人, 診症紙時間係 15:15pm, 都唔係等太耐就到我.

見醫生, 話驗血報告在正常水平, 我當然要問下啦, 谷丙轉氨酶(ALT/SGPT) 40 呀, 我覺得高呀, 可能係近呢幾個月, 狀態差左, 瞓唔好啦, 醫生話唔驚, 水平內. 乜唔係唔好過 37 咩.

半年後覆診, 下次驗埋HBV DNA.

2020年 5 月 4 日下午 14:15覆診,, 因為要驗 HBV DNA, 所以要提早一個月驗血, 時間 : 10:00 06-04-2020.

191117開心晨步

休息左一晚, 今日又係瞓晏少少先出動.

191116獅子會晨運

又晨早出門, 到喇, 出來啦.

191110有眼無珠行晨運 ?

大細媽話今日想去食午餐, 所以可以瞓晏少少.

191109久違的大潭

因為婆婆怕熱唔想行, 成 4 個月無來大潭水塘, 昨晚, 細媽問佢, 今日行大潭好唔好, 婆婆話試下囉.

191105止不了

19/10覆診時, 醫生開左兩星期抗生素, 食左幾日就止瀉, 上星期五食埋最後一日藥, 以為好返.

點知星期一半夜, 我又開始瀉, 一夜瀉兩次, 馬上食止瀉藥. 細媽收工返來問婆婆, 我又瀉左三次. 細媽馬上約醫生. 最快星期二晚 20:15.

今晚, 細媽一夠鐘, 飛奔回家, 我又瀉, 連埋半夜至細媽返來, 我又瀉左 5 次.

到左診所, 媽咪都趕收工來到. 磅重, 又係 5.7 kgs. 

醫生話上次又係一停藥, 幾日又瀉, 今次又係, 似係腸胃對抗生素有反應同依賴, 今次試食 4 星期抗生素, 另加 5 星期 B12. 等食完抗生素, 食多一星期 B12, 睇下係咪無再瀉, 同研究係B12 定抗生素對腸胃止瀉有效.

如果確定一停抗生素就瀉, 咁以後就要長期食啦.

191103四口晨運

媽咪昨晚回家, 今早又可以四口一齊晨運.

191102三婆孫再臨獅子會

又一星期, 媽咪今晚先返來, 我地繼續又來獅子會.

又係唔想落車, 但細媽堅持要我出來.

191027三婆孫周日城河悠行

婆婆單人出動 ? 當然唔會啦, 等車咋.

191026三婆孫秋遊獅子會

媽咪又去左土耳其, 今次仲係10 日呀, 細媽要帶我同婆婆出去玩.

佢話入秋, 涼涼地, 去獅子會玩.

191020倦倦周日晨早

又要食兩星期藥, 今早都係照舊早起晨運啦, 但我就唔想出袋囉.

191019又再瀉

快閃完, 食完早餐, 先送婆婆返到屋企樓下, 我地再轉來診所, 比預定早左半個鐘.

191019快閃晨步趕覆診

上星期日覆診時, 見便便正常, 醫生無再開藥俾我, 只係開鐵水補血.

點知, 一斷藥, 星期三又瀉, 食止瀉藥都無效, 見又無其他不適症狀, 等埋星期六覆診.

191013覆診及打預防針日

今日約左 11 點覆診, 木來打算打完晨運同食埋早餐先, 點知 02: 25就有雷暴警告, 不停又雷聲, 又大雨, 7:30 先取消, 但雨仍無停, 落到 8 點幾. 惟有由屋企直接來診所啦.

191012例行晨步

食左咁多日藥, 便便開始正常成條狀, 但份量唔多.

所以, 今日照例來小瀝源晨步.

191007重九平地步

昨日下午出去睇醫生, 已經好大雨, 仲要有季候風.

接近零時, 不知幾大風呀, 仲要大雨到黃雨.

191006肚瀉出巡見醫生

我肚瀉, 大細媽一定會同我睇醫生, 唔可以拖, 加上星期一係重陽節, 今日一定要睇.

最快都要 16:45先有位, 點都要啦.

今日全民社會運動, 好難有的士, 我地早D出門坐小巴, 但都等左好耐.

到旺角時, 好塞車, 郁唔到, 司機俾大家在馬路中落車.

我地都預左, 回程, 行路返屋企.

191006周日肚仔不適

昨日, 已經係軟便, 仲試過瀉.

點知半夜三點幾又肚痾, 細媽話立刻打電話約醫生, 驚星期一重陽節, 醫生休息.

媽咪話雖然診所係 24 小時, 半夜三更, 診所邊會有人聽電話呀.

191005惡法首日

今早, 雖然係好天, 但香港就由今日 00:00起, 步入惡法第一步.

191001預早河畔開花

今日對好多香港人來講, 都係一般假期, 無野值得慶祝. 

190929攰攰周日

細媽 : 洛洛, 到左喇, 起身喇, 出來啦.

190928乾燥秋晨

晨早 6 點, 黃色火災危險警告生效  

我地如常早起, 來到小瀝源, 整裝後, 7 : 09 又開始晨步.

太陽又轉位, 今日在我身後的女婆山升起.

190922又玩失踪記

又瞓到差不多時間, 細媽又叫我地起身晨運.

190921秋來了

 今早起身, 陣陣風, 又乾燥, 秋天來了.

今日, 有河妖出沒, 沙田圍站外, 可能係目標之一.

190915早上下雨時

又到晨運時間, 0711 整妝好, 就有雨點喇.

190914追月日熱熱晨早

昨晚賞月回家, 都無可能早瞓, 但天氣仍會熱, 都係行晨運安全D.

190913中秋夜 - 願榮光歸香港

今日係中秋節, 大細媽早收工, 先約婆婆出去食飯, 跟住返來, 同我出去賞月.

獅子山下是我家

細細個時, 在家門外, 就可以無擋望著獅子山, 每每都看入神.

晴天下, 岩石間有小樹叢, 見山路, 點點行山人行山上.

雨天後, 山水由山上流下變多條小溪.

無雲時, 月光照亮獅頭, 岩石反映出很美.

隨住高樓遮擋, 已經無法每日都可以望獅子山.

今晚, 大家帶著心願, 人鏈加燈光, 照亮獅子山.

獅子山下是我們的家.

(照片由 Joe Chen Photography 無私公開分享)

190908洛在晨早

瞓一覺, 細媽又叫我地起身喇. 

190907酷熱 31 度下晨步

雖然知會天氣好, 但就會好熱, 所以, 細媽決定兩日都行城門河.

190901點都要晨步

踏入 9 月, 仲係熱. 所以, 今早, 細媽做好晒野, 先叫我同媽咪起身.