190922又玩失踪記

又瞓到差不多時間, 細媽又叫我地起身晨運.

相隔一日, 陽光升出位置, 已經唔同左好多.

先在第一個目的地 - 廁所, 等一等.

出到石船, 我已經無以前耐性, 一到即鑽, 媽咪想幫我打咭都唔得.

鑽完幾圈.

再鑽, 帽都甩晒.

又係等佢地玩健身設施.

想去第二個廁所, 竟然維修, 昨日仲開放呀, 姨姨叫我地去對岸果個, 我地都同婆婆講, 急就去對岸, 係最近呀.

我唔小心, 便便黐屁屁毛, 大細媽惟有立刻幫我清潔, 搞好左, 望下, 唔見左婆婆踪影.
我地快快行, 諗住佢可能急, 先由大清橋過對岸公廁, 但我地到橋, 望過去, 又唔見喎, 惟有分兩路, 我同細媽向前行, 媽咪過對岸. 

細媽怕我周圍八, 於是抱我急步步, 終於, 見婆婆去到好遠, 行到酒店對出停下坐低, 細媽無帶手機, 我同細媽係度等媽咪追來, 終於齊人了.
大家都攰又餓, 馬上去再前面公廁, 等婆婆放鬆下.

今日因為玩失踪記, 時間上早左, 一於早D去飯堂.

有時, 俾婆婆驚嚇我地, 真係擔心死, 同婆婆講左, 下次失散, 去飯堂匯合呀.