191006肚瀉出巡見醫生

我肚瀉, 大細媽一定會同我睇醫生, 唔可以拖, 加上星期一係重陽節, 今日一定要睇.

最快都要 16:45先有位, 點都要啦.

今日全民社會運動, 好難有的士, 我地早D出門坐小巴, 但都等左好耐.

到旺角時, 好塞車, 郁唔到, 司機俾大家在馬路中落車.

我地都預左, 回程, 行路返屋企.

體重 5.9 kgs, 無再肥, 但又無瘦左. 所以細媽話抱住舊大包米.

來到次次都驚呀, 今日有埋大細媽陪, 好少少啦.
我成日腸胃差, 醫生話先食一星期藥, 下星期日返來覆診, 如果肚瀉持續, 要考慮驗下身體內在有無其問題. 其實, 上年 8 月都係咁.

三種藥 : 止瀉, 抗生素, 維他命 B12(補血用).

我地離開診所, 都 17:15. 見周圍都無的士, 小巴又因太子果邊塞左, 埋唔到站, 反正來了, 順路去勝利道幫我買肉粒粒.

我地朝住屋企方向行, 沿途好多手足在四面八方行, 有些見入新界巴士, 上車後, 齊聲叫加油. 可以感受到大家的齊心.

無見到 popo, 我地一D都唔怕, 因好多人同行, 間中見有 popo車來, 反而令大家有些緊張.

細媽揹住我部私家車, 拎住攻擊性武器, 媽咪拎住狗糧, 加我共三位, 會唔會又話我地非法集結呢 ?