191013覆診及打預防針日

今日約左 11 點覆診, 木來打算打完晨運同食埋早餐先, 點知 02: 25就有雷暴警告, 不停又雷聲, 又大雨, 7:30 先取消, 但雨仍無停, 落到 8 點幾. 惟有由屋企直接來診所啦.

今早無有便便, 一上磅 , 6.1 KG, 重過上星期. 上星期係下午來, 乜便便都清晒.

咁我無瘦, 算係咁啦, 食得, 瞓得, 無再瀉.
大細媽話想我打埋預防針, 話想循例驗血先.
我地一路坐住等, 點知, 哥哥出來, 話驗血報告顯示, 我有貧血跡像, 驚係抽血時, 部份血液凝固, 影響結果, 要再抽多次血來驗.

報告出了, 兩次都唔太理想, 血色素唔夠, 可能係血液缺乏鐵質, 血小板少, 但血小板體積大. NEU偏低, 可能係藥物影響.

腎指數偏高, 要多飲水同食少D肉. ALKP偏高, 可能係食左抗生素影響.

驗血報告, 雖然唔太理想, 但都可以打預防針.

醫生開左隻補血藥俾我, 睇下食一星期, 紅血球指數, 會唔會正常返. 如果唔好, 可能要照超聲波來詳細檢查. 醫生問我有無嚴重甩毛, 因見我背部毛毛分界位, 唔太多毛. 咁年年呢個時間, 我都會開始生返冬天毛毛呀. 又問我係咪成日都想瞓, 媽咪話我都 14 歲多, 老人家瞓多都正常囉. 佢驚我有甲狀腺問題, 所以問多D. 當然, 醫生一問, 大細媽都會多留意.

媽咪問會唔會牛B復發, 醫生話慎重起見, 驗埋牛B 熱. 剛才抽血唔夠, 又要抽多次血呀. 約下星期六早上 10:15 覆診, 我要加油.