191130大潭洛

因為過唔到香港, 所以無來大潭水塘兩星期.

早兩日過返車, 今星期當然又來啦.

11月都係好好天.

陽光普照, 又唔太熱.

慢慢行, 好舒服.

來到大霸, 又有些風吹下.

爽爽.

暫時都係行落去大潭道.

遲些, 唔知婆婆夠唔夠力氣上大風坳呢 .

今日去第一個小休位 - 燒烤場, 竟然有無公德人, 燒烤完, 遺留晒所有野係度, 垃圾散滿全個燒烤區, 仲有爛左玻璃樽, 好危險.

所以, 我地要行落下層燒烤區小休, 因為草地有玻璃碎, 我唔可以落地.

婆婆, 我地今日遲左出門, 我地要趕返時間呀, 希望坐到平時坐果班車.

咁好天, 唔太多人行山.

楓香落左好多葉, 今年呢度又無紅葉喇.

因為陽光好, 呢度多影幾張相.

跟住專心行.

細媽突然叫 : 紅色煙花呀.

又幾似呀.

到最後一道石橋.

時間剛剛好.

我地可以坐到預算果班車出市區, Yeah.
今日都應該好易有過海的士, 好快又去菇亭飯堂呀.