191214東區自然步道

前晚, 媽咪仲問緊細媽, 今星期好天, 不如去下其他地方行, 點知佢昨日因要搬公司, 執到攰, 話今日照行老地方.

無所謂啦.

今日真係好天氣, 細媽話好少會見長腿的佢.

去到廁所, 有兩隻年輕野豬落山搵食, 媽咪叫細媽立刻執袋, 轉另一個安全位.

今日都有朋友仔遇到.

婆婆繼續做我佈景板.

都係叫佢行先, 我要同楓香影張相.

四口組.

山茶盛開, 好多都長出豐富花蜜, 可能仲早, 未見蜜蜂開工採蜜.

今日好和暖, 媽咪突然想, 不如今日行上大風坳, 婆婆話試下囉.

好野.

成十個月無行呢段, 好開心.

婆婆, 加油.

今日有長跑比賽, 好彩係人數唔多, 佢地有佢地號, 我有我行, 各自各.

都話兄弟爬山.

各自各, 所以我爬左上去.

就快到坳.

起初都驚婆婆辛苦, 由大霸, 用左個半鐘上來, 都OK.

等婆婆上到來, 去埋廁所.

休息 15分鐘.

落山喇.

對婆婆來講, 落山輕鬆多.

行左一陣, 細媽話我有老人優惠, 而婆婆就無, 所以佢一支箭飛左前.

途中, 我又行左陣.

最後, 都係上車舒服.

我唔出來喇.

今日頭尾行左 4 個鐘多D, 都可以啦. 但今日有工展會, 維園一帶多車多人, 我地坐左好耐先返到屋企附近呀.