191228舊要走, 新快來

昨晚快 11 點 多, 得媽咪在廳對住電腦開工, 電視未關, 突然聽到高頻聲, 媽咪周圍搵聲源, 埋去電視旁, 發覺由電視發出來, 仲感覺好熱, 媽咪立即拎遙控關機, 點知一按, 電視就 POP 一聲, 連後備燈都熄埋, 無左電咁, 仲要發出焦燶味.

噢, 咁就無左, 可能婆婆一路開住, 好彩有人先出事咋.

查返, 原來部相都買左成 7 年半了, 2012年 4 月 15日圓返來.

http://www.weshare.hk/phyllis2210/articles/1311624

無電視, 婆婆肯定悶死啦. 所以, 今日返來, 食完野, 立即去商場睇, 希望搵到現貨. 我地都唔駛甚麼高科技, 唔駛 4K, 唔駛有上網功能. 原來, 媽咪睇中一部, 價錢貴好多,售貨員哥哥話媽咪揀的要一星期先返到貨, 仲要係有上網功能, 如果只係俾婆婆睇, 基本功能就夠, 幫我地睇邊部有現貨, 呢間店在我地呢區幾十年, 專做街坊生意, 唔會強行推銷呀.

佢話有幾部現貨, 有平D, 但只係標清, 咁我地當然揀部高清啦, 都唔貴, $1998. 即抬回家.

媽咪幫我清潔好, 馬上駁線搜台. 今次 31-33, 81-85, 99 + 99V都好清, 正呀.