181230晨早9.5度的周日

今早遲少少起身, 但想唔到 8-9點係入冬最凍的一日, 我地果區得 9.5 度咋. 

181229寒冷第一天在大潭

寒冷天氣警告, 昨晚 8點生效.

無阻今早出動.

181226熱熱 Boxing Day

昨日聖誕節咁多雲, 想唔到今日咁好天.

181225聖誕大潭行

星期日玩完, 休息一天, 今日又到聖誼節.

181223盛之一族

今日返來, 見露台晾衣架有兩團黑色物, 望清楚, 原來, 係盛盛一族又來.

181223微細雨下的周日

東北季候風南下, 今早起身就開始毛毛雨, 但點都要出來走動下.

181222冬至火鍋暖又暖

做冬大過年, 都係借口, 主要係飯堂所在地要重建, 佢地要搬去隔離邨, 我地咁耐都係來過兩次, 臨搬前, 咪來晚市自助火鍋囉.

181222暖暖冬至在大潭

今日冬至, 明天起, 白天會逐漸長. 

一早來到陽明山莊, 閘口位仍係有風.

181216悠閒周日

預報今日暖返少少, 唔駛著衫. 今日晨運完, 要洗白白, 

181215 十三年半的食物膠罐退役了

我細過時, 起初食粒粒乾糧, 大細媽帶我返來時, 當然要買左食物俾我, 而呢個食物膠盒, 就係我幾個月大時, 隨乾糧附送, 但我唔係食呢隻牌子呀.

雖然我無食乾糧好多年, 但大細媽都有買白金肉粒糧俾我當零食同午餐, 就係佢負責保管我D肉粒粒.

都係遲我少少時間來, 不經不覺, 膠盒在我家都至少 13 年半了.

日子有功, 膠盒開始硬化變脆, 無能力再擔當重任.

今日, 佢要退役, 我同佢吻別, 謝謝你.

181215大潭涼到暖

早幾日凍凍, 今日話會開始回暖, 但今早出來, 仍要著褸擋下風.

一到閘口位, 風又到.

181209寒冷前的周日

今日溫度會慢慢在入黑下降, 起初都驚一起身又濕又凍, 好彩唔係呀.

一來到, 明明見遠遠見太陽, 但頭頂有薄薄雲卻又有小雨點.

181208五年大榕樹

今日到划艇會大石躉, 望下榕樹, 嘩好大呀.

睇返上年 Blog, 今日險些少少位都無得企.

+++++++

四年前, 划艇會旁的一大石躉, 在河畔長出小梱小榕樹, 當時, 我仲可以在石躉任坐.

今日再來, 竟然得返少少位俾我企, 下次相信連企位都無埋😤

++++++

181208凍前之小瀝源到大圍

因為東北季候風南下, 除左溫度下降, 仲有幾陣雨, 大細媽唔敢搏, 怕鴻身冷親我同婆婆.

181203換新藥

今次覆診, 又換左新藥, 今次係韓國藥廠 (Kolmar Korea Co. Ltd.) 的.

一盒有係 120 粒份量, 當然, 醫生開藥單, 都係俾足到下次覆診啦.

181203覆診日

今日15:00到廣華覆診, 一見醫生, 當然要問谷丙轉氨酶(ALT/SGPT) ,  今次係 34, 醫生話通常都會浮動, 唔係高, 咁多次都在正常水平, 情況穩定, 維持食藥.

佢話除左驗住ALT/SGPT, 如果病人經濟上許可, 最好半年照一次超聲波, 因為府資源少, 無咁多空檔為所有患者照超聲波. 我話過兩星期, 會去公司身體檢查, 希望下次覆診時, 記得帶報告啦.

無特別安排, 26 星期後覆診, 即 3/6/2019 15:00.

20/05/2019 下午二時至四時三十分, 自由時段內到房門外排隊抽血.

181202洛家在城河

昨日玩左三個半鐘, 今日懶床, 但天氣咁好, 都要出來行下.

181201香港仔自然教育徑

咦, 瞓醒出來, 唔係平時常去嘅陽明山莊大潭水塘喎.

181130下龍門失守

由細個開始, 我下排四隻門牙都係唔太結實, 有少少鬆, 唔知係咪我細過唔鍾意食野, 搞到發育唔算太好.

我自細, 又唔識同門牙咬野食, 有雞脾在前, 都係用脷仔 lam, 要大細媽幫我碎上.

我平時在家, 有時都無聊咬硬野, 媽咪發現過我咬金屬物體, 都有咬崩門牙, 吩咐左婆婆收好.

雖然有清理牙石, 又刷牙, 年紀漸大, 下排門牙的肉牙慢慢收縮, 媽咪一路都擔心會甩, 又想唔到捱到 13 年多.

早前, 中門比較鬆的一隻甩左, 搞到三隻門牙都好鬆.

今早, 細媽發現有一隻門牙打橫.

181125 陰天，微雨天，仍是美好的一天

又瞓夠醒, 天色暗暗, 外邊個涼衣架都見有點點水滴,半夜可能有微微雨.

都唔驚啦, 今日都要洗白白.

181124 he he hea hea 上窰行

講左幾星期, 今日終於天氣好, 可以行山路.

唔係摸黑出發, 只係背光咋.

181118周日樂活洛

又話今日會一大舊厚雲在我地頭頂, 無損我地周日來城門河晨步喎.

181117陰天無驟雨的大潭

昨晚微微雨, 又預告今日會有幾陣雨, 一於起身睇天氣才決定去向.

細媽先起做家務, 媽咪六點起身, 望下出面, 咦, 無雨呀. 睇埋天文台, 港島無雨, 城門河反而有雨, 咁當然又來大潭啦.

181111光棍節四條腿晨操

今日4條1, 大陸起左個名叫光棍節.

181110陰中晴在大潭

本來今日打算去西貢, 但昨晚話今日早晚有一兩陣微雨, 媽咪怕泥路同石級濕滑, 怕婆婆跣, 都係來返大潭就算.

閘口好大風, 叫婆婆自己行落去先, 我整妝好, 就追返婆婆.

181104周日快閃大潭

昨日無來, 細媽話無到郊外, 唔算去個街.

181103周六晨雨後

昨晚準備好晒, 今早會早起出動去大潭水塘行山, 但未夠12 點都有雨.

清早, 細媽見無乜雨, 做晒家務, 準時 6 點叫我地起身, 媽咪一望外, 有人擔遮呀, 雲層又低, 無可能去陽明山莊, 我地又倒頭瞓過.

9 點又起身, 雨停了, 雲層高左, 見到山, 地又開始乾, 即係短期無雨, 我地出發來城門河做運動.

181028周日勤步身體好

又到周日, 好緊張, 到清晨 4 點就叫細媽起身, 驚佢唔知醒, 我隔一陣就叫佢, 佢懶床, 成接近 7 點先肯起身呀.

181027秋爽在大潭

媽咪旅行返來, 又可以四口組出動.

181023年針

又一年, 今日又係細媽帶我來打年度混合預防針.

細媽返半日, 返來屋企時, 又拎袋, 我不知幾開心, 原來係來診所, 今日見吳宜醫生.

登記上磅, 5.6 kgs, 對上一次 17/8 來時, 係 5.9 kgs,細媽開心屎, 佢話幫我修身有成果,  fit 左喎.

見醫生, 探下熱, 聽心心, 摸肚肚, 睇牙牙, 有少少牙石, 我成 13 歲幾, 保持係咁都無問題.

因為旱排驗過血, 今日唔駛驗血, 直接打針. 

181021周日例行樂

周日, 當然例行.

181020三婆孫遊西貢獅子會

星期六, 三婆孫唔過海, 改去西貢獅子會.

181017重陽避走到彭福

媽咪星期日晚飛左去玩, 今日重陽節, 細媽帶我同婆婆出動.

181014周日開心洛

又到周日例牌晨運.

181013秋涼在大潭

今早起身得 23 度左右, 涼涼地, 唔駛冷氣車同 cooling coat出動.

來到陽明山莊郊野公園閘口位, 好多人, 原來今日又有雷利長跑.

181007洛周日常步

每星期, 最少都有周六同周日兩日連假.

我同婆婆現在, 當然係 hea hea, 星期日又例行在城河畔.

181006洛在大潭秋意中

又周六, 有節目.

181001十一假漫步

今日係十一假期, 對我地來講, 就係一個公眾假期.

180930洛在城河畔

昨晚季候風好強勁, 但今早, 強風沒有了.

180929秋意來了在大潭

原預報話呢幾日會炎熱, 但強颱風潭美轉左去日本, 香港就唔會受下沈熱氣流影響.

而東北季候風會在未來數天, 為華南帶來普遍晴朗及乾燥的天氣.

180925追月日行

昨日係中秋節, 但唔係假期, 加上又有雨, 當然等今日假期先出動.

我家飯堂 - 新廣發

今日到飯堂, 飯堂張貼左Banner, 沙角邨冬菇亭要重建, 改新形象, 即係加冷氣, 縮細範圍, 到時就無得俾我坐. 

第一次來時係 2013年 5 月 11 日.

飯堂明年二月, 就搬去對面博康大排檔, 姨姨話到時要貴兩蚊呀.

貴少少無問題, 起碼佢地都鍾意我地一班小朋友, 有地方俾我全家開心食, 已經好足夠.

怕遲D, 連博康大排檔都話要重建的話, 就真係無地方俾我地食野呀.

180923山竹後的城河畔

上星期日, 山竹亦都令城門河水位高漲.

180922山竹後的大潭

上星期日, 山竹摧毀了香港很多樹木, 屋企樓下的大樹經上年天鴿後, 今次更進一步倒下或折斷.

今早來大潭, 想睇下風災後情況. 大閘門前, 竟有部私家車停泊, 擋晒條路, 漁護署叔叔想駛車出去接員工都出唔到. 另一漁護署職員的私家車一樣入不來. 叔叔話D人太離譜, 如果係有意外, 救傷車入唔到郊野公園救人, 點算. 其中一個漁護署女職員, 以前做過警察, 用衫遮手來試開架車, 竟然係無鎖.

昨日有單持刀搶錢案件, 當大家都猜係咪失車時, 有兩名女子帶著兩小孩, 一個手抱, 一個坐BB車, 由郊野公園急急行出來, 其中一個女子急住行去部車, 連BB車都放手, BB車即溜後, 好危險. 果時, 所有人都鬧爆佢地, 但該兩女子似唔識聽咁, 行山客就話 : 你唔識廣東話, 我講英文, 你唔識英文, 我講普通話. 兩個一聲對唔住都無, 立刻上車. 部車咪係我身後著燈倒後緊囉, 漁護署部車仲等緊佢呀.

180916十號山竹

今日, 係我狗生的第三次經歷 10號颶風信號, 山竹在今早9:401掛起.

第一個係 2012-07-24的 韋森特

第二個係 2017-08-23的 天鴿

我可以安然在家, 多幸福.

希望在外的朋友仔, 能找到地方避風呀.

180915遊大潭在山竹來前

山竹來勢洶洶, 天文台預告星期日必定掛 8 號泳, 昨晚22:20, 天文台提早未入香港 800海浬, 就掛 1 號戒備信號.

颱風來前, 天氣多數明朗同熱, 襯藍天, 來大潭行行, 近排成日有雨, 個幾月無來.

180909說的秋意

話說今日會降低 10度, 最低至 24 度呀. 

24 度唔係熱, 無太陽曬住, 應該好舒服.

180908秋來了 ?

冷鋒昨日來到香港, 氣溫會明顯下降, 但昨日下午都30幾度啦, 降 10 度, 咪舒服囉.

細媽話今早睇天氣先決定幾點起身.

180907 ICHIBAN

自上次七夕會後, 食晒一星期藥, 便便仍係軟身.

醫生有提過可以試下長期食酵素, 睇下消化系統能否改善.

細媽改早晚都餵我食酵素, 又加埋益生菌, 又搵到一種純酵素, 希望有成績.

三星期了, 情況漸漸改善.

今晚, 媽咪先收工, 我就送份禮物俾佢, 就係 ICHIBAN呀.

好耐無成形得咁靚呀. 要繼續.