講左幾星期, 今日終於天氣好, 可以行山路.
唔係摸黑出發, 只係背光咋.
朝早來, 次次都好大風.
我唔敢張開口, 怕入風到肚仔.
上窰郊遊徑, 石級比較少, 上落坡距唔大, 所以都算適合婆婆慢行.
婆婆, 唔駛急, 今日大把時間.
有埋行山杖助力, 婆婆就可以 hea 住欣賞大自然.
今日出動新私家車, 細媽就可以騰出雙手, 無咁論盡.
多雲, 間中有陽光.
陽光照來都唔太曬.
婆婆都擔心唔夠力氣.
但應該仍可以應付.
太耐無來, 只係呢張石櫈, 佢地都要討論經過左未.
山竹摧毀左好多樹木, 我地一路行, 都見好多樹倒塌, 連曝罟灣營地幾棵大樹都塌下.
石檯都壓爛左, 但樹仍有根連在地, 出左好多嫩葉分枝出來.
婆婆慢行, 我返轉頭睇下佢先.
到呢個彎喇.
一個大V山徑, 好多人都在我地身邊經過左, 仲在對面見佢地行, 可想而知, 我地有幾 hea.
過小溪, 幾個外藉老人家拎住地圖在此休息緊, 我都係快影打咭.
到呢個山崖邊.
樹林擋左曝罟灣漁塘.
惟有往前行時, 在樹影中見個漁塘.
山路多碎石, 所以我小心一步步行.
落石級.
即係到終點唔遠.
婆婆, 行晒全段郊遊徑喇.
因為仍要落石級去上窰村, 所以, 我上私家車.
第一次坐, 仲未習慣點入同點坐會舒服.
終於研究點坐係較好.
到平路, 我當然自己行返出去啦.
今日天色算係咁啦, 雖然有些煙霞咁, 但都有點藍天.
到復興橋, 新的發記士多開張, 但我地連舊的都未幫襯過.
都出到大網仔路, 仲唔快快截車出西貢市中心咩.
沒有留言:
張貼留言