181201香港仔自然教育徑

咦, 瞓醒出來, 唔係平時常去嘅陽明山莊大潭水塘喎.

仲要係度等.

原來今日來香港仔水塘, 因為黃泥涌峽道公園有廁所, 當然要等婆婆方便完先一齊起步啦.

好耐無來, 見今日天氣好, 所以來走轉.

唔難行, 婆婆唔會太辛苦.

有櫈又唔俾坐.

我未食早餐呀.

見呢個位, 快到松鶴亭.

呢度可以小休呀.

平時係快行完先行健身徑, 點解今日咁早轉呀 ?

細媽, 你行咁快, 我追唔到呀.

咦, 行行下, 細媽呢 ?

咁慢 ?

婆婆都行到來啦.

去左邊 ? 奇怪,

突然好多人嘈, 原來有一隻野豬出左來搵食, 唔怕人, 大搖大擺慢慢行出去閘口方向.

安全起見, 匯合齊全家, 先在燒烤場等一等, 婆婆方便完先再出發.

走到落來, 由下水塘水霸入返去.

行到盡頭.

就係香港仔自然教育徑入口.

上去喇.

懶叻, 認錯路.

到三岔位, 當然轉左去上水塘.

山竹後, 好多位都有塌樹, 唔同晒. 反轉路行, 又唔熟, 都係跟實細媽行.

前面有危險, 細媽都可以幫我擋.

婆婆慢活在後.

周圍都係風災後的枯枝, 有段石屎小路仲因大樹連根拔起反起爛左.

但現在都可以安全行.

途中又有位休息, 都幾好.

起碼真係郊野地區.

行得都舒服.

快 11 點, 陽光開始照耀下, 水氣散晒.

藍天現.

係時間走了.

今早行完引水道健身徑, 依家行另一邊落.

走左一個圈.

又出返閘口位, 今日連小休玩左三個半鐘, 差唔多喇, 仲要落去香港仔中心, 坐兩程車先返到屋企飯堂, 我要在私家車補眠先.