161225聖誕洛在獅子會

昨日平安夜行過山, 今日聖誕, Hea Hea, 另外仲有目的.

坐小巴入來, 今日都唔多人入西貢.

來到獅子會, 好靜.

都好吖, 唔太嘈.

今年都唔去大棠, 唔想留低婆婆, 獅子會都有幾棵, 雖然無紅, 仲黃黃枯枯, 唔緊要, 當睇過.

荷花池只得一池黃水, 但明年中, 都會開遍整個池塘, 期待.

紅葉都有, 唔一定係楓香.

仲有另一紅物.

就係洛神花果實.

剛才咪話另有目的.

咪就係.....

同婆婆食好野.

今日聖誕節, 盡量帶婆婆食好西, 雖然好多食店, 我唔入得.

但我地好簡單都滿足.

昨晚未休息夠.

都係行多陣.

俾媽咪影多幾張相.

北方霧霾吹來, 天灰灰, 缺少陽光, 顏色陰淡.

如果天氣好, 在金黃銀杏樹, 會好靚.

時間差不多, 都係回家養神, 蓄足精力, 明天出動.