161216婆婆覆診日

上月11日去日間醫療中心覆診, 原來覆診改左仍去日間醫療中心, 唔係老人內科及心臟科, 時間都改為早上, 好彩大姨媽知道咋.

因為華法林太多食物禁忌, 我地搵左三隻自費新藥 '阿哌沙班Apixaban , '達比加群脂Dabigatrean Elexilate' 同 '利代沙班 Rivaroxaban' , 價錢由約 $500 - $900 一個月不等.

我地在雜誌見有篇有關心臟藥文稿, 發現 '達比加群脂Dabigatrean Elexilate' 有逆轉劑解藥, 雖然係三隻藥最貴, 但為婆婆安全計及改善全家飲食質素, 決定同醫生提出改呢隻藥.

原來醫院係無藥買, 醫生開左8 星期藥單, 叫我地在社區藥房購買.

醫生俾左慈惠社區藥房單張, 方便我地去買藥.

呢隻藥係在資助計劃內, 藥費每盒 $300, 即每粒$10, 一日兩粒.

睇真單張, 原來資助一年😨, 我地都周圍問過, 外間藥房價係 $360 - $420, 咁一年後先再打算去邊買藥.

仲幫婆婆登記左醫健通, 只要私家醫生有醫健通讀咭機, 醫生用病人身分證, 讀可以讀取政府醫院病曆資料, 好方便.

為左方便日後同婆婆覆診, 請醫生俾星期一至四下午時間, 咁細媽都可以抽空陪伴.

下次 2017年 2 月9 日下午2 時45分, 改去三樓內科及老人科. 

早一星期即 2 月2 日早上 9:30, 婆婆自己去廣華驗血.

今次驗較多, 要早上空肚, 要提婆婆先.