160928看醫生

真係唔想來, 但我肚仔唔舒服, 無辦法.

上星期日(25/9), 同細媽午睡後, 起身就痾軟便, 但精神超好, 細媽安掛特效益生菌俾我食.
星期一清晨, 我又想嘔, 叫醒細媽起身, 抱我落床嘔, 細媽吩咐婆婆唔好俾小食俾我.

星期二白天都無屎痾, 以為無事.
點知, 星期二半夜, 我兩點多開始, 又覺唔舒服, 在細媽耳邊依哦.
媽咪早起返工, 細媽起身就Whatsapp:

"兩點幾就可開依哦，拍下都肯瞓係處，同佢去過兩次廁所，點都唔肯瞓，依依哦哦，接近五點放佢自由行去廁所，佢就入你房，佢入來無耐，又好似想走，咁就放佢落地，我瞓係地望佢，無耐就肚屙喇。完事後，佢就無乜野，無再依哦，指兩下我地就一齊瞓左喇。起身好精神, 仲玩波波。"

返左工, 唔可以臨時請假, 惟有約晚上見醫生, 今晚係何醫生當值.
7 月中時來驗血, 都成 6 KGS, 9月頭仲重到 6.2 KGS.
到診所例行上磅, 竟然變左 5.7 KGS.
係細媽安排我減磅成功, 定唔舒服呢 ?

何醫生話我肚仔有壞細菌, 引致肚瀉, 今晚起 24小時禁食, 餓死D壞細菌, 食一星期腸胃抗生素同酵素. 另有止瀉藥, 止到就停食. 平時, 可以俾不同種類蔬菜加在飯飯中, 增加不同營養.
希望快快好啦.