161111婆食的禁忌

昨日早上抽血, 婆婆今日去日間醫療中心覆診.

驗血報告出左, 醣指數同腎功能都正常, 血壓都正常, 即食左兩星期降血壓及華法林(薄血藥), 效果都唔錯. 醫生開返同劑量的五星期華法林, 16/12/2016去專科覆診, 早一日先抽血化驗.

入院當日, 醫生已經開華法林俾婆婆, 仲有營養師向婆婆講解同俾左張"服用華法林(薄血丸)飲食指引".

但婆婆只記得唔可以食薑蔥咋.

指引中, 真係好多野都無寫食唔食得. 睇完, 全家都抓晒頭.

媽咪惟有上網搵資料, 越睇越擔心, 好驚婆婆誤食, 出血急入院.

細媽舊同事的爸爸, 剛輕微中風入左政府醫院, 醫生話華法林係免費藥, 但有好多食物會相沖. 另有三款自費薄血藥, 每月$500 - $1000左右, 但好處係除左仍係盡量低鈉同清淡外, 其他食物都可以放心食.

決定左, 下次覆診, 叫大姨媽問醫生, 可唔可以改自費藥, 咁全家同婆婆在日常生活同飲食, 都可以安心又放心.