近期熱話係去大東山睇芒草, 全港好多山頭都有, 我地真係唔會咁傻.
今日又係三母子同行.
今年四月頭, 因我突然嘔嘔, 取消行程, 今日天氣好, 由黃泥頭行上花心坑出發.
媽咪昨晚又抽筋, 決定上到石芽背, 先決定向左走定向右走.
往石芽背約 1.3 公里, 預 3/4 小時, 慢慢上, 唔急.
太陽出來了, 沿路有樹蔭, 舒服.
到分岔位用左 53分鐘, 中途有小休, OK啦.
媽咪話可以, 決定向西貢方向行.
踏在黃牛古道, 一片開揚, 藍天芒草.
還有紅葉呀.
到芙蓉別/打瀉油坳, 就係我地最想見的滿山芒草.
逆光下, 金光閃閃.
唔捨得都要走, 繼續行程.
因為我地要返屋企同婆婆食飯.
遠方馬鞍山.
到五聯達小休.
去邊好呢 ? 仲早喎 ?
決定向昂平進發.
當到達昂平, 迎面有兩個姐姐帶兩隻狗地, 其中一隻幼犬周圍聞, 我在佢距離成兩米經過.
突然隻幼犬飛撲來, 仲張口吠我, 我好痛, 即時慘叫同哀號, 另一隻成犬又跟住想加入來對付我, 媽咪在我身後超過十多呎遠, 細媽在我附近, 即時大喝, 果兩位女主人又唔即時制止.
幸好媽咪趕到抱起我安撫, 我好驚呀. 果兩位主人仲話佢狗狗無開口吠我, 都有話對唔住.
媽咪同細媽幫我驗傷, 原來我眼角被吠損, 仲流血. 雖然媽咪有消毒藥水, 但太近眼, 都係返屋企先處理.
心情平復.
美麗山景, 蓋了所有不快.
昂平今日都有好多人玩滑翔傘, 但風向唔合, 大家等機會.
要落山.
面向西貢海, 幾靚.
落來好多大石級, 我一步一步落.
到大水井, 由細媽抱去行落菠蘿輋坐小巴.
匯合婆婆,食完野回家梳洗.
原來個傷口都好大, 好彩無咬到眼仔咋, 否則就盲.
真係無諗隻幼犬咁惡, 遇到友善唔識打交的我, 佢算走運, 如果碰到其他大狗, 不敢想像. 主人的教導好重要, 希望佢地會反醒下.
沒有留言:
張貼留言