230928小天使一週年

家洛, 今日係你成為小天使一週年, 仲好掛住你呀, 細媽媽買左你至愛嘅芒果雪糕俾你, 好味嗎?

好想同你傾下歇呀 ^^

 

230916糖義工-探訪長者

 我地三兄弟陪大細媽出街, 先食午餐再坐巴士出發去香港仔.

230908百年一遇的黑雨

設立左黑雨警告以來, 通常都係個多鐘就轉紅雨, 但今日打破了.

受【海葵】殘餘相關嘅低氣壓影響帶來豪雨, 黑雨維持左16小時35分鐘. 暴雨令山上雨水帶黃泥衝落來, 龍翔道中間石屎躉剛好阻左黃泥水往南流, 變成南北極咁, 引敔雨水湧入黃大仙地鐵站, 再流入月台同列車管道, 地鐵部份路段停駛. 黃大仙中心北館低層亦全層被沒頂, 要派多部抽水車泵走泥. 多區水浸, 雨水夾泥成河, 地面都好混亂, 公共交通受阻.

230901蘇拉10號颶風信號

由家洛2005出世年，都經歷過3次10號颶風信號，2012的韋森特，2017的天鴿，2018的山竹。

今日沒有家洛在身邊，超強颱風蘇拉襲港，天文台在20：15改掛了10號，家洛，唔駛怕，我地全在家好安全，你靠近我地身邊就得^^

230805WAVES尾場

 昨日唔夠時間影BOOTH, 打算早些入去亞博, 落車見FC為今次安排嘅專線, 可惜我地搭嘅無啦.

230804WAVES第三場

唔係MIRO, 少左一個機會, 搶唔到公售, 唔JOIN PLAN, 抽獎又知機會微, 預左睇ONLINE, 23/7無聊八下牛牛, 發現比我地想像中可以接受, 係尾場兩倍半起跳, 位置好更貴, 預計尾場係ONLINE, 細媽話不如揀星期五感受現場氣氛, 星期六睇ONLINE. 馬上行動, 星期一晚拎飛, 第一次買牛, 又驚係假, 雖然都有即時照紫外線燈, 又上網睇點駭真假, 但本身無紫外線燈, 晚晚拎出來摸又驗藍logo XD

到25/7晚, 糖們討論尾場時, 心郁郁, 26/7早返工, 見有牛放個尾場價目表又平喎, 問問細媽, 又都話原來想去埋尾場, 叫我問明姐, 最後揀左同區前後幾行. 晚上即拎飛, 有照有驗, 真係又緊張起來, 始終代買, 驚假野. 上星期六送飛同應援上明姐家, 佢有紫外線燈, 佢兩張都係明顯照到. 我跑返屋企拎晒自己四張再去佢屋企照, 尾場同佢地經同一牛, 但星期四係唔同牛, 竟然點照都見唔到, 明明拎飛時見有, 最後左照右照先見隱約少少, 又驚過. 原來好多糖直接拎官方飛都係相同情況. 又無出現過假隊友飛, 自我安慰中.

終於到4/8, 請半日假早入去, 先同小姜小濤影齊第4-11胎作品.

230729KT義工派飯

今日又參加義工派飯, 同一飯堂 - 香蕉飯堂. 準備裝飯盒.

230709可愛迷你姜兔

 Hi, 我係迷你姜兔, 今早負責陪細媽行下晨運.

230708五兄弟遊公園

今早好天, 細媽避開猛烈陽光, 一拖五兄弟出發行公園.

230707 洛細表 THEi BA fashion show

霎眼間, 洛細表姊又大學畢業, 今晚有入場卷去參加畢業入圍作品展. 佢媽咪託大媽代安排買束花.

230701光明正大入獅子山公園

又到公眾假期, 其實呢日係星期六, 點都放假, 細媽見天氣一般, 都係帶小家洛同迷你姜及濤出去晨運.

230617搵1664

姜Admin演繹全新《品味新「法」現》主題服飾, 插畫限量版500mL罐裝1664 Blanc小麥白啤酒小麥白啤酒, 限量登場, 點都要入呀.

 

230617生不逢時 - 新增寵物共享公園

當KIT KIT小時候, 我地成日都帶佢去獅子山公園同樂富公園, 其實當年都無留意入唔入得, 但都好多人帶狗狗入去, 後來好似執法多左, 都無再去。

後來家洛到了黃家, 家洛都係在門外經過。2018年起新增一些寵物共享公園, 都係好唔方便又細。

今年13/6再新增60個寵物共享公園, 其中獅子山公園同樂富公園都包括在內, 樂富公園係整個公園, 即可以上埋格仔山, 而獅子山公園除棒球隊同射箭場外, 其他位置都入得。

家洛真係生不逢時, 年紀大左唔可以行山, 好彩沙田城門河畔都可以行咋。

230610打Dummy咭

 今日預有雨, 細媽話唔去行山, 等大媽瞓晏D, 佢自己行上廟兜個圈落山.

230603姜手燈

早排訂左FC姜手燈, 行完山, 轉車去太子FC會址拎, 太多糖第一次拎, 我地唔排隊等升降機, 直接行7 層盡快拎到, 入電芯試亮著就離開, 今日大嘅揹細嘅上去, 好乖.

230603東區自然步道教育之旅

 細媽話呢個夏季咁係行呢條路線, 等大媽操練返雙腿. 

230527HI MIRO見面會前大合照

我地無入MIRO FC, 所以無得抽HI MIRO 見面會, 後援會昨日下午5點幾號召集合姜糖在見面會前大合照, 啟德郵輪碼頭咁近, 我地當然去應援支持 明姐就抽到頭場, 大媽問佢會唔會參與大合照, 佢話好想呀. 

230526洗白白

小姜姜同小濤濤今年2月13日正式成我家一分子, 又差不多個個星期都出街玩同行山, 雖然後來買埋連身底衫俾佢地著, 都玩到開始有少少污糟. 今日行山潮濕, 又企唔穩跌倒, 細媽決定同佢地沖涼洗白白, 接住幾日都會好好陽光, 應該可以乾透嘅。

230526佛誕假期行東區自然步道

 今日係佛誕假期, 連埋星期六同日就連放三日, 第一日就行山, 半夜有雨, 上到來好砟霧.

230520東區自然步道

4 月頭行東區自然步道落英皇道時, 同4月中行龍脊, 大媽膝頭都覺痛, 今日好天氣, 又來陽明山莊試行, 唔知有無問題呢 ?

230513DARLIE好來x姜濤💚5款亮白笑容座枱牌

 Darlie在12-14/5推出五款限定精美「亮白笑容座枱牌」, 分別在五大指定零售商店同網上商店, 要有推廣員嘅指定門市或網店購買DARLIE好來產品滿$40換一個指定款, 即係要去齊五間不同區限定店啦. 細媽話任務艱鉅, 大媽都會一齊幫手完成.

12/5 踏入00:00, 大媽先去HKTV Mall網上訂貨, 13/5 16:00-18:00在門市取貨, 第一個立牌肯定有了.

12/5 午飯時段, 大媽去公司附近萬寧, 細媽去惠康, 兩個立牌到手.

12/5 細媽收工去又一城, 先去Taste, 但清晒貨, 好彩推廣員姐姐留左一盒孖裝普通裝牙膏, 唔夠$40, 細媽見還有少量兒童牙膏. 加埋夠數換立牌. 再去Watsons, 乜貨都無, 連立牌都無, 推廣員叫細媽留電話, 返貨馬上通知, 佢又留大媽電話=.=

13/5 天氣唔好, 細媽早起上山晨運後買餸回家, 我地等電話. 11點多, 推廣員打來, 叫我地個多鐘內要到, 先到先得. 細媽即換衫即衝去. 原來今早只係返立牌, 無貨返, 但可以現場在機預購, 先拎立牌. 大媽一早提佢先行完山回家前去嘟兩蚊優惠, 加埋地鐵在13-14/5兩日半價優惠, 去程只用左3毫子, 好抵. 細媽回家後, 我地出去金利食午飯, 途中見姜Admin人型牌, 打下招呼先. 

230506KT義工派飯

我地一早打算在家洛做小天使後, 會嘗試下參與姜糖義工活動. 早前個別姜糖賣水瀨籌款買飯卷捐, 昨日得知會準備第一團出動派飯, 當然參與啦. 

10點幾集合, 一齊上某飯堂包裝飯盒.

230430Keung To Charity Walk 2023

9:30am D組起步片段～

姜糖們搵唔搵到自己呢？

我地搵到呀 ^^

230430Keung To Charity Walk 2023+KTB

今日就係期待的430 Keung To Charity Walk 2023, 我地報左名參加, 但無買巴士票, 我地在開跑提前一小時, 因預左充足時間, 見幾部專屬應援穿梭巴士停泊, 馬上來打咭.

230429MOKO熱愛係姜

一連三日假, 今日一早預左去MOKO, 所以安排睇早場, 今日又剛係全港戲院日, 睇戲$30一張. 27/4上裝訂飛大塞車, 大媽收工返到家, 發現屋企附近嘉禾啟德有09:00, 即時去買, 連網上手續費都慳返.   

230423睇戲+The Old+KTB

今日預左唔會好天, 所以大媽想睇戲, 因為隊長套戲剛上演, 所以先睇兒登同柳柳套死屍死時四十四, 睇下佢做成點.

230415龍脊及KTB

11年前的昨天, 四口組最後一次行龍脊, 因為政府大事宣傳, 好多人都去行龍脊, 成個旺角咁, 當年部份路段只能一人行, 怕家洛被踩, 人多交通就唔難上車, 都無再去. 昨日見FB浮出當年今日, 決定今日再來懷念.

230409Hea在第一城

 前日問婆婆, 佢話唔出㗎. 女人善變, 昨晚又應承出去食早餐.

230408東區步道及姜濤灣

 今日好天, 一於行下山, 再去姜濤灣, 小小姜小小濤好興奮.

230407無可取代。姜濤@沙田

 小姜小濤: 爸爸代言的無糖可樂在沙田新城市廣場有推廣攤位, 我地一齊來撐場支持.

230402 POPFEST HKT西九音樂節：越流行

今晚姜Admin在1/1叱吒後再踏舞台, 於21:50在POPFEST HKT西九音樂節：越流行表演, 佛系大媽想在外圍支持, 細媽當然想啦, 於是我地決定同埋小姜小濤坐巴士去西九.

230325旺角及KSHKFC打咭

原定今日先行山, 再按預定時間去KSHKFC拎漁夫帽, 但天氣唔好, 又有衫仔可以在差不多就到面交, 就帶晒四兄弟早點去旺角朗豪坊對出大廣告視屏睇"追".

230319馬鞍山烏溪沙

上星期日同婆婆提話反正樓下有巴士直達去馬鞍山, 唔駛搭地鐵轉幾次, 婆婆話好, 咁今日就先入到海柏食早餐.

230318大潭水塘

 小姜小濤未去過大潭水塘, 剛才就到時間去姜濤灣拎衫仔, 今日可以慢慢行.

230312城河畔賞花

 今日婆婆心情好, 又肯出動.

230311茅坪古道落大水井

 又係出街日, 今日咁好天, 當然行山啦. 大媽話初春, 好多樹木生嫩葉, 要捉緊時間.

230304久違獅子會

想引婆婆出動, 必須要利誘, 細媽想到去獅子會餵魚, 婆婆話佢願意. 對上一次係21-04-03, 家洛約左大細妹來, 相隔已兩年.

230228家洛的18歲成年生日

家洛, 今日係你18歲生日, 按人類出生計, 你已可以去換成人身份證。一直都期待可以為你慶祝, 同你一齊渡過, 細媽仍舊為你親自制一個生日蛋糕呀. 

在天家修練成點呀 ?

230226遊城河畔

婆婆因為雙腳傷口一直難埋, 行路痛, 經過接近大半年長期作戰, 終於在上星期一, 傷口結焦無再瘍, 游說多次, 終肯出來走走, 簡單到大圍起步.

230225重臨三椏村

 今日約左朋友去郊遊, 小姜小濤第一次坐地鐵去大埔墟站.

230218三姐弟第一次行衛徑二段至英皇道

今日正式大細媽一齊出動, 小姜小濤第一次坐巴士.

230216小姜小濤第一次出動

今星期, 細媽改左星期四放大假, 佢話想自己試帶小姜小濤去上山晨運. 點知初段好多馬騮, 唔敢隨便拎佢兩個出來. 小姜先打咭.

230213小姜小濤回家了

期盼已久的小姜小濤, 等左接近五個月, 終於回家了. 兩個都有KSHKFC出世紙認證.

本來以為在我地收工返家前收到通知可以去OK拎, 點知連細媽返到都未有. 突然19:30收到SMS, 細媽食完飯即趕去接佢地返來, 趕到情人節前夕回家

230211東區自然步道

春天來了, 我地怕潮濕地滑, 都係揀石屎路安全, 坐車巴士過海時, 係望唔到全個港島. 好彩來到陽明山莊, 每落雨咋.

230204二表姐結婚了

今日係二表姐與諾哥哥結婚大喜之日, 家洛無法見證呢個重要日子, 於是帶齊洛家三妹妹代表阿哥來參加.

230128紫羅蘭山往大潭篤水塘

 大媽雙腳休息左三星期, 今日又一齊出動.

230122兔年初一

今日係兔年初一, 沒有家洛的第一年農曆新年, 生活要過, 就安排初一睇晨早場 - 毒舌大狀.

230121除夕團年及觀塘海濱花園發現號

今日大除夕, 肥舅父一家去旅行, 姐夫要教班, 二表姊姐夫要考試, 二表姐晚上要去未來夫家團年, 雖然唔齊人, 但照安排一家人食午餐做團年.