婆婆因為雙腳傷口一直難埋, 行路痛, 經過接近大半年長期作戰, 終於在上星期一, 傷口結焦無再瘍, 游說多次, 終肯出來走走, 簡單到大圍起步.
自上年5月29日同家洛最後一次來沙田, 9個月了, 再在此位置起步.
今日好好陽光.
我地今日去食早餐呀.
就係沙田文化館內的牧羊少年咖啡館, 家洛肉身無法入來, 今日帶佢地來.
家洛相片代表.
小姜小濤 : 我地鐘意漢堡飽, 呢個係雞扒, 都一樣好味.
婆婆食力唔弱, 唔駛擔心佢食唔晒.
細路仔唔飲咖啡, 俾返媽咪.
食飽飽, 婆婆又無話唔想行, 當然好啦.
途中行一陣就坐下休息囉.
咦, 沙田中央公園南園有繡球花, 細媽話入去睇下, 影下相.
再行去北園, 紫玉蘭開花.
又去睇下園林池景.
婆婆睇龜睇得好入神.
園內無乜人, 偷雞影張除口罩相, 希望入夏前能取消口罩令, 戴唔戴由自己決定就好.
沒有留言:
張貼留言