230908百年一遇的黑雨

設立左黑雨警告以來, 通常都係個多鐘就轉紅雨, 但今日打破了.

受【海葵】殘餘相關嘅低氣壓影響帶來豪雨, 黑雨維持左16小時35分鐘. 暴雨令山上雨水帶黃泥衝落來, 龍翔道中間石屎躉剛好阻左黃泥水往南流, 變成南北極咁, 引敔雨水湧入黃大仙地鐵站, 再流入月台同列車管道, 地鐵部份路段停駛. 黃大仙中心北館低層亦全層被沒頂, 要派多部抽水車泵走泥. 多區水浸, 雨水夾泥成河, 地面都好混亂, 公共交通受阻.

亦有多區山泥傾瀉或地陷, 山泥傾瀉警告相信會持續一段長時間.

新界北部都好慘, 深圳又排洪, 水浸嚴重, 有好多狗場要急搵義工帶貓狗到安全地方. 有豬場主人來不及救豬, 豬豬溺斃.

政府早上5點半發新聞稿, 話極端天氣下, 所有日校停課, 但只呼籲僱主不應要求僱員在惡劣天氣下返工, 唉.

百年一遇嘅豪雨集中在香港中位置, 人口同建築物相對密集, 影響極大, 辛苦前線人員在危險環境下善後