230409Hea在第一城

 前日問婆婆, 佢話唔出㗎. 女人善變, 昨晚又應承出去食早餐.

樓下一程巴士直達第一城, 唔駛行太多. 上次果間餐廳一般, 去快餐店好似仲經濟好食.

因為細媽中午約左舊同事, 佢地話叫埋大媽同婆婆一齊飲中茶, 又好喎, 好耐無食. 我地打算食完早餐, 去附近行下, 點知竟然落下, 明明話有太陽, 惟有留在商場行下. 

當去到超市, 細媽發配姜Man同好多可樂.

以前, 我地係唔敢影相, 現在面皮厚左.

太開心呀.

因為要行去第一城站匯合, 今日只帶家洛出來, 當然同家洛影花花.

家洛未試過入酒樓㗎.

好彩婆婆轉呔, 否則錯過左今次.

今日好Hea, 出去食下行下又到兩點幾, 大媽同婆婆先回家.

今日在12 蚊店買左兩件斗篷俾小小姜同濤, 好似窄左少少, 要等細媽做下手作仔先得.