今晚姜Admin在1/1叱吒後再踏舞台, 於21:50在POPFEST HKT西九音樂節：越流行表演, 佛系大媽想在外圍支持, 細媽當然想啦, 於是我地決定同埋小姜小濤坐巴士去西九.
唔係第一次坐巴士, 但都好開心.
兩個換晒衫去支持爸爸.
其實我地都係第一次來西九, 家洛都未來過.
但天氣唔好, 又要帶燈牌同可樂, 無帶家洛B同大妹來.
剛才人太多, 見一有人行開, 又補位影多幾張.
開始入黑, 其實都唔係影得太好.
我地去KSHKFC打咭位影相.
好多糖呀, 都面皮薄, 都係在外圍影咋.
KT430生日汽球蛋糕都係要等無.
細媽係幕後人員.
小姜 : 好多糖呀, 小濤, 你拖實我就唔會走失.
小濤 : 但係細媽成日迷路, 我地會唔會驚驚呀 ?
見又少左糖, 又影.
現在都係6點多, 未到影大合照, 我地去搵定位置.
要留守到21:50等爸爸出場。
集合時間到, 返去集合地點, 當時隊友粉又在相同位置插入來, 糖們都即刻讓佢地先.
我地自己影相做紀念, 因為第一次拎姜燈牌出來做應援.
隊友粉走, 到我地喇, 我地兩個在糖海中, 糖太多, 一個傳一個對話, 好有秩序慢慢移後, 因為快到海邊, 糖潮往左右方面移動, 因為有建築物擋左, 所以, 後援會影唔晒全部糖, 無航拍就拍唔到糖海.
細媽拎燈牌, 大媽先有手影相同拍片咋.
本來都有另一個係拎可樂, 但兩個都忙高舉可樂, 無手影.
影完大合照, 好興奮.
我地兩個成世人, 都係第一次喜歡偶像, 一個值得愛錫的年輕人.
仲有兩個半鐘, 去埋排廁所, 就搵定個好位, 我地帶埋地墊坐.
21:50一到, 音樂響起, 第一首係超級冠軍, 好正呀, 在外圍都聽得好清楚, 接住Master Class, 第11胎Dummy, 鏡中鋼, 夠了, 蒙著嘴說愛你, 姜Admin將歌曲精心鋪排好正, 外圍糖在最後一首歌"蒙著嘴說愛你"都係一齊唱㗎.
後話: 細媽在FB睇報導, 我地又被某傳媒影到, 我地已經避糖潮, 又無走近, 只係在遠遠影, 咁都俾記者影到, 已經好低調, 唔係第一次咁, 但六合彩祉抽獎又唔中, 費解.
沒有留言:
張貼留言