230213小姜小濤回家了

期盼已久的小姜小濤, 等左接近五個月, 終於回家了. 兩個都有KSHKFC出世紙認證.

本來以為在我地收工返家前收到通知可以去OK拎, 點知連細媽返到都未有. 突然19:30收到SMS, 細媽食完飯即趕去接佢地返來, 趕到情人節前夕回家

唔可以赤裸裸, 著返衫先.

早排入左部分衫褲鞋, 細媽忍唔住輪流試.

我地訂左KSHKFC x 膳心小館 情人節兔濤限定蛋卷, 大媽在15.2去拎時, 隨機抽又抽齊兩款鑰匙扣.

細媽將家洛頂彩色假髮俾小濤試又剛剛好.

佢在廿多年前, 在麥記買落的五隻熊仔, 佢除左落所有衫褲俾小濤試, 又可以喎.

係有些位置大同闊, 細媽話所有都係正牌麥記衫, 好可能仲大過姜濤.

其中仲有背囊仔㖭.

未試齊, 細媽又開始做手作, 佢最鍾意呢條牛仔褲, 有M字鈕扣, 又係好正嘅.