210317肉瘤覆診日

3月5日做完冷凍治療除肉瘤, 今日返來覆診, 上磅 5.8 kgs.

治療後, 媽咪每日影低進度, 見毛毛長, 用紛布包起, 以防毛毛貼近傷.

6/3, 除左肉瘤面層皮無左, 無特別. 見有淡黃透明分泌, 傷口未乾, whatsapp問醫生, 用粉紅藥水輕輕抹乾. 唔可以UP住傷, 亦唔可以用紗布遮傷口.

7/3

因為我覺腳仔怪怪, 成日想舔, 媽咪又唔可以成日坐在我身邊, 我又好腰力同腳長, 惟有戴多重頭罩.

9/3

9/3, 傷口仍有淡淡黃色分泌, 問左醫生, 傷口無問題.

10/3

戴甜圈或飛碟, 我都舔到傷, 只有呢個頭罩先防到, 但我又飲唔到水, 又去廁所時, 將廁板剷起, 媽咪要一眼關七, 我一起身, 就睇我想做乜.

11/3沒有分泌, 傷口變了深顏色.

但傷口圓周直徑一厘米, 周邊的肉都硬了. 醫生睇過無問題.

12/3媽咪見傷口變左硬疤, 幫我著襪仔同除頭罩, 咁就午睡會舒服D, 但晚上亦要戴頭罩瞓, 因為細媽都會瞓著, 睇唔住我. 問左醫生, 可以著鞋仔或襪仔去散步, 返來時, 抹腳仔.

13/3早上, 傷口無特別, 今日出去城河行, 著住襪仔行, 返來清潔消毒.

13/3晚上10 點幾, 媽咪循例檢查傷口, 輕輕按, 竟然有黃綠色膿液, 馬上whatsapp診所, 哥哥仔馬上找醫生睇, 醫生話無大礙, 消毒下即可, 除非無改善同發炎, 就要返診所拎抗生素食, 約17/3晚返去覆診. 媽咪惟有盡量輕按, 將膿液擠出. 大細媽有點內疚, 係咪俾我落地行, 感染到細菌呢....

14-15/3無影相, 14/3輕按仍有膿, 15/3就無膿同收乾, 16/3傷口結疤突起, 周邊腫起肌肉都收縮了.

近排來診所, 次次都要留我兩至三個鐘, 我震晒呀, 好驚又係咁.

見醫生, 醫生見幫我將結疤附近毛都剷左, 接坐好快一挑, 成粒疤甩左出來, 有少少血, 見到無皮傷口, 接住消毒加Intrasite Gel敷在傷口後包紮. 醫生話早幾日有膿, 係因為粒肉瘤冷凍後壞死, 要同腳面肌肉分離先有膿, 正常的. 接住每日早晚消毒同敷 Intrasite Gel , 買紗布同彈性繃帶包紮, 大概7 日就埋好, 最多 14 日. 無事就唔駛覆診.

一粒肉瘤焦加旁邊結疤.

好開心, 走得.