210317周三周圍走

 細媽繼續銷大假, 但媽咪下星期返工, 今日係細媽三月假, 媽咪陪我地出去的最後一日.

唔可以自由行, 又係坐車車.

幾好, 坐係度都好多野望.

媽咪要趕中午返到屋企, 咁我地兜下個細圈.

到天橋, 地面比較好, 我落地放鬆一下大小二便.

無法啦, 飲多左水, 尿尿多, 點都要隔段時間放鬆下. 跟住上返車.

大細媽商量左, 夠時間, 於是又上埋來獅子山公園.

最後又行上D.

有馬騮呀, 走喇.

因為上斜, 媽咪一路流汗, 下巴好多汗, 惟有用紙巾墊住下巴同口罩, 都好怪, 但無法子.

回到公園外, 我同媽咪等細媽去廁所.

好彩拎定風扇, 坐車時, 有風吹住好舒服, 等都唔怕.

跟住就快步行去食午餐.

因為少機會可閒日出來了, 得我地三個, 當然要去黃店. 今早已經在家食左金寶外賣早餐, 中午就來加力.

今日大細媽食常餐, 好大份, 又好味. 

差不多了, 要回家, 我終於識瞓在車上, 原來呢個位都可以望街喎.